Yakobo 1:19 - Mawu a Mulluku

¹⁹ Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Yakobo 1:19 ပူးပေါင်းရင်းမြစ်များ

Miyambo 17:27

Muthu oomaka nllumi annadduwella ddeko nave muthu awiithaalla anniiwesesa.

Miyambo 21:23

Oyo anamaka nllumi ni ophara eyanwaaye khanaphwanya ddookatamiha.

Miyambo 14:29

Oomaalleya anniiwesesa phaama ddeko koma awaakuva osha murima annoonihella okarangeya waye.

Miyambo 10:19

Waanjera ollota ddoolakwa ddinnaata koma oyo anasunga eyano tti eezeru.

Miyambo 18:13

Waakhulla ohinaapelle maaru tti okarangeya ni owulliha muru.

Miyambo 13:3

Oophara eyanwaaye annasunga okumaaye koma oollota shisha annaddoononga.

Miyambo 16:32

Muthu oohisha murima mwawaakuva annamukhwaranya akhoto nave oyo anawuphara murima annamukhwaranya awaakha muzinda.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Miyambo 15:18

Muthu oosha murima mwawaakuva annaambiha okangana koma oowuphara murima annawiiha murendelle.

Akolose 3:8

Nave vano munaphwanella wi mutathille ddeko ddenndda. Osha murima, onanariwa, ddawiitana. Muwano mwanyu muhikhumeke mawu oolalata apaalle a epewe.

Aefeso 4:31

Hiyani ollutuwa, osimwa, osha murima, ohumullullana, ollotellana epewe apaalle wiitana orive ottheene.

Miyambo 18:21

Nllumi nookhalla ni masiva a okhwa ni okumi, oonikonda annacha ezipaso ddiwa.

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

Miyambo 19:11

Ezeru ennamuvaha muthu ohinanariwa mwawaakuva, oriiheya wiwa okonne voohipwathani ddeepewe.

Miyambo 15:2

Nllumi na muthu eezeru ninnallota phaama nnddo ninadduwelliwa koma muwano mwa ookarangeya munnallota ddoolloddowa.

Miyambo 25:28

Muthu oohiihiiha tti wonanko muzinda wookumulliwa, woohikhalla ni mpanda.

Miyambo 14:17

Muthu oosha murima mwawaakuva anneera ddeko mookarangeya nave oonanara anniitiwa.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Miyambo 17:14

Waamba wa okangana tti wonanko ondonya wa maaddi, vano ovenyekevo ekhoto ehinaambeye.

Yakobo 1:26

Muthu mmodda addeesa wi tti oomullapella Mulluku, ahinamaka nllumi naye, omullapella waye Mulluku tti woohikhalla ni mutteko nave aniilleka yeekhaaye.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Mitteko 17:11

Athu a o Bereya yaari owiiwesesa ddeko ohiyana ni alle a o Tesalonika. Yaanaakhella othenga wa Paulo ni murima woottaphuwa nave nllapo ni nllapo yaanaashaasha mu mawu a Mulluku wi yoone nnddo allota Paulooyo ddaari ddiri ddawoona.

Luka 19:48

Koma kheyaaphwanyille ettilla yoomwiiphella kaambiiwa athu attheene yamwiiwenlle yahaakonda mawaaye wunchichi sika kheyaapaalla ohiyanana.

Mariko 2:2

Vano athu anchichi yaatthukumana mpa sika vookeraatthi vaarama naari vamullakoni vaatte va enyumbeeyo vaaddalla. Yesu aanallalleya othenga waphaama wa athwaayo.

Miyambo 19:19

Muthu oowalli allive yeekha vawi wamoopolla aneerewaakullella.

Mitteko 10:33

Sika kaawiithanani enthawiine yeeyo nave moheera phaama wi moowa. Vano attheenehi niri wuno vamiitthoni va Mulluku, otiyera wi niiwe erive ello Apwiya yuulamunlleewani wi munilleelle.”

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

Luka 15:1

Nllapo nimodda athu attheene ookhomiha musonkho ni athu oochimwa yaawa wa Yesu wi yiiwe mawaaye.

Nehemiya 9:3

Nave athu attheene yahiimella va nipuro nimoddamoddave nenno wa maora mararu malamulo a Apwiya Mullukwiiwa yeerengiwiiwa nave wa maora mararu mamodda yaawulula machimwiiwa yaallapella Apwiya Mullukwiiwa.

1 Yohane 2:21

Kinuulembellani ohiri kaambiiwa khamunadduwella yawoona koma kaambiiwa mwaadduwella khalleve navettho munnadduwella wi yawoona khenavenyera mu ddawoottha.

Mitteko 13:48

Athu ayo ehiri Ayudaayo yiiwalliiwa ddenndda, yaahakallalla nave etitimiha mawu a Apwiya nave ayo yatthoolliwe wi yaakhelle okumi woohimalla, yaakhalla ookhulupilila.

Mariko 12:37

Sika Davide aamuromolla olliye wi Apwiya, Mesiya vano anaakhalle edduullu ya Davide mwawiidde?” Mulloko wa athu muullupalli watthukumannooyo waahakallalla voomwiiwani Yesu.

Nehemiya 8:18

Nave nllapo ni nllapo, waambeella nllapo nawaamba ophiyera nllapo nookomihera, Ezara aaneerenga ovenyera mu nibukhu na malamulo a Mulluku. Athu yaheera ehakallallo mallapo matthanu ni meelli nave va nllapo naneetthanu ni raru vaheereya mutetho woowallella mutthukumano moollikana ni nibukhu na malamulonne.

Numeri 22:27

Bulooyo amoonille mungelooyo aakonaatthi Balamooyo ari vamutthanani vaye. Balamu aasha murima wunchichi, amuukutha bulooyo ni ekopwaaye.

Miyambo 29:20

Ethiyo onnamoona muthu awaakuva ollota? Muthu ookarangeya ttuukhalla ni etiyerello omukhwaranya olliye.

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Yakobo 1:2

Asinnaka ni arokoraka, muhakallalleke mwaaweesiwaka moohiyanahiyana,

Yakobo 1:16

Muhoottotthiweke asinnaka ni arokoraka ookondiwa.

Yakobo 2:1

Asinnaka ni arokoraka vawi munnaakhulupilila Apwiihu Yesu Khrisitu, Apwiya antitimiho, muhinakondellaka variyari va athu moollikana ni wooneya wiwa.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Yakobo 3:10

Mawu oothokoza ni ootembelela enakhuma muwano mmoddamodda mwemmo. Asinnaka ni arokoraka, nndda khaddinaphwanella wi ddeereyeke.

Yakobo 4:11

Asinnaka na arokoraka, muhillotellaneke ddoonanara. Oyo anallota ddoonanara dda ookhulupilila mukhwaaye apaalle omweeruza, anallotella ddoonanara moovaanyana ni malamulo komattho anaweeruza malamulo. Nave waweeruza malamulo, khorittho aweera malamulo koma aweeruza.

Yakobo 5:12

Asinnaka ni arokoraka nave ohiyana ni ddittheddene, muhillupelleke mwaasimikizellaka ello. Muhillupelleke mooromolla oddullu apaalle ellapo yavatthi apaalle erive ello. Mweereke “ee” vawaakhullellani nave mweereke “iyaayi” mwaakhootaka wi muhimorelle mu echiweruzo ya Mulluku.

Yakobo 5:19

Asinnaka ni arokoraka, mmodda a nyuwaano ahollowa ohiya yawoona nave mukhwaaye amuhokollosa,

Yobu 32:16

Ethiyo kitiyerelleke ekaamba yawi alliwa khenallota, ekaamba yawi erimoona wiimella, oohaakhulla?