Yakobo 1:18 - Mawu a Mulluku

¹⁸ Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Yakobo 1:18 ပူးပေါင်းရင်းမြစ်များ

1 Petro 1:23

Vawi oweella mwa mawu a Mulluku Ookumi ni oohimalla, mooyariwa wiilli wonanko anamwani a nikhollo noohikhwa ohiri nookhwa.

Yohane 1:13

Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

Yeremiya 2:3

We Israele waari oopatuliwa a Apwiya, waari wonanko echipaswaaye yawaamba wiithwa. Kaarumiha ddoovoreya ni ddookatamiha ddinchichi va attheene ayo yuuhoosille otulli waanaamorella. Mi Apwiya koollota.”

Aefeso 1:12

Sika eerille ddiidda wi hiyaano naari awaamba otiyerella mwa Khrisitu, nitetheella nave nititimihe ottekweene wa Mulluku!

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.

Yakobo 1:21

Sika muhiye erive makhallello oonanara navettho erive machimo. Akhellani mwawiithaalla mawu yaayo yaalliwe ni Mulluku m'mirimani mwanyu vawi yaayo sika enaawore wuuvullusani.

1 Akorinto 4:15

Vawi naari murina ahuddihi 10,000 mu okumaanyu wa echikhulipililo, murina attiitthaanyu amoddave. Vawi mwa Khrisitu Yesu miyaano tti attiitthaanyu voowaana othenga waphaama wa nyuwaano.

Aroma 4:17

wonanko mmo mawu a Mulluku enallotelliiwa wi, “Kohuukeraatthiha weyaano wi okhalle nikhollo na mitundu ddinchichi.” Lonjezo nenna Abrahamu aanaakhella ovenyera wa Mulluku kaambiiwa aamukhulupilila Mulluku oyo anaavenyiha ookhwa nave oyo analamula wi ddeko ddiphatuwe.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Levitiko 23:10

aalleelle Aisraele wi, “Mwavollowa mu ellapo eyo kinaawuuvaheemini ni ohata dda m'matani mwanyu, muwe wa mullupa mukutho ni mutolo wa tirigu awaamba owaraalla mwa ddoohata ddanyu.

2 Akorinto 6:7

voollalleyani othenga wawoona ni vookhallani ni masiva a Mulluku. Echilungamo sika ezida ddahu ddoowanella ni ddawiitetezella.

Aefeso 1:13

Nave mwaakhulupilila mwa Khrisitu mwiiwalleenyu othenga wawoona, othenga wa ovullusiwa wanyu. Nave Mulluku ahuuvahani Munepa Waweella alonjezilleeye wi ekhalle echizindikiro yawi nyuwaano tti aaye.

2 Timoteo 2:15

Ollipihelle okhalla awaakhullelleya vamiitthoni va Mulluku, wonanko mullupa mutteko oohiwulliwa muru ni muttekwaaye, oyo anahuddiha othenga wawoona wa Mulluku.

Yakobo 1:15

Vano minkhella ddinakhalla wonanko ddinnakusa erukullu nave ddinnayara machimo. Nave machimwaayo yunnuwa, ennayara okhwa.

Yakobo 3:14

Koma mwakhalla ni ehache yuullupalli ni wiikonda m'murimani mwanyu, muhikoteke ni ovaanyihana ni yawoona voollotani ddawoottha.