Yakobo 1:17 - Mawu a Mulluku

¹⁷ Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Yakobo 1:17 ပူးပေါင်းရင်းမြစ်များ

Yohane 3:27

Yohane ahaakhulla wi, “Khaavo muthu anawora okhalla ni ello aahivahiwa ni Mulluku.

Mateyu 7:11

Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

Aheberi 13:8

Yesu Khrisitu tti yooyo oddillo, ollello ni mallapo mattheene.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

1 Yohane 1:5

Vano othenga niiwalleehu ovenyera wa Mwanaye Yesu Khrisitu nave ninawullalleyeehu tti wawi Mulluku sika owala nave mwa olliyooyo epiphi kheyaamo.

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Malaki 3:6

“Mi tti Apwiya nave nginasintheya. Sika ekaambiiwa nyu edduullu dda Yakobo khemwaatthollosiwe.

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

Luka 11:13

Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

1 Akorinto 4:7

Ttaani aweerilleni nyuwaano uullupalli a athu amodda? Khahiyo Mulluku uuvahilleni erive ello muriinyuna? Vano muniitukhullella tini, wonanko eyo muriinyuna khe emphaso?

1 Yohane 4:10

Ella sika echikondi! Ohiri wi naamukonda Mulluku koma wi olliye sika anikondille hiyaano nave aamurumiha Mwanaye wi machimwaahu ekhululukiwe mwa olliyooyo.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

1 Epilli 22:12

Nave Apwiya yuuvahe odduwella ni ezeru wi yuuvaha olamulello va Israele wi osunge malamulo a Apwiya Mullukwaawo.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yesaya 60:19

Khaviwa vipaalleyattho nndduwa wi nuumolleelle otthaana apaalle mweeri wi wuumolleelle mahiiyu. Koma mi Apwiya sika kinaakhalle omolleella wawo woohimalla, miyaano Mullukwaawo sika kinaakhalle owala wawo.

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”

Genesis 41:16

Yosefe ahaakhulla wi, “Khe miyaano iyaayi koma Mulluku sika anaawore waattaphullella phaama amwene ddoollohanndda.”

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

1 Epilli 29:19

Muvaheni Solomoni mwanaka murima wawiivelleella wi asungeke malamulwaanyu, ehuddihwaanyu ni malangizwaanyu navettho opaalla weera erive ello wi amake enyumba eyo kiyikhozekelleemi.”

Numeri 11:17

Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

Yesaya 45:7

Kinnaphatusa owala ni epiphi, kinnawiiha madaliso ni otulli. Mi Apwiya kinneera ddittheddenenndda.

Afilipi 1:29

Vawi moovahiwa ekari ohiri vookhulupililanive mwa olliye komattho ohoowa ekaamba ya olliye.

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Yesaya 46:10

Khalle kaavallallella ollota ddeko nnddo ddihineereye, kahuupullulla khalleve nnddo ddaari ddihinooneye. Kaallota wi, ‘Maganizwaaka khelephela, kineereweera ddoopaalla ddaka ddittheddene.’

Yesaya 28:26

Vawi Mullukwaaye sika anamulangiza ni omuhuddiha mwawookowa.

Masalimo 122:6

Vekellani murendelle wa Yerusalemu voollotani wi, “We Yerusalemu, athu ayo enuukonda ddeko ddiweetelleke phaama.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Numeri 11:25

Vano Apwiya yaakittha m'muraponi yaamba ollota ni Mose. Nave yahaakawella attekweene 70 munepa mmoddamoddave yooyo yamuvahilliiwa waari mwa Mose. Athwaayo yaakhellilliiwa munepa yahaamba ollotella koma kheyaayiillena muhoollo.

Masalimo 85:12

Ddawoona, Apwiya eneerovelleella ddaphaama, ellapwaahu eneerokhalla ni ddoohata ddinchichi.

Masalimo 102:27

Koma nyuwaano khemunasintha miyakha ddanyu kheddinamalla.

Masalimo 136:7

Yaaphatusa ddoomolleella dduullupalli ddamuddullu, echikondiiwa yoohisintheya tti ya enthawi yoohimalla.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.