Yakobo 1:14 - Mawu a Mulluku

¹⁴ Koma athu attheene eneesiwa ni minkhella ddiwa ddoonanara nnddo ddinaakopa ni waaphara.

Yakobo 1:14 ပူးပေါင်းရင်းမြစ်များ

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Mateyu 15:18

Nave mawu ookhuma muwano mwa muthu enavenyera m'murimani, alla sika enamuripiha.

Aheberi 3:13

Koma munaphwanella mullipihaneke murima nllapo ni nllapo vawi ella tti enthawi yaphaama eyo mawu a Mulluku enayiromolliiwa wi, “Ollello.” Sika wi mmodda anyuwaano ahummihe murimaaye ekaamba yoollekiwa ni machimo.

Yesaya 44:20

Muthooyo anakhalla wonanko anacha ntuura, maganizwaaye ookarangeya ennamuhollosa wawi khaworattho ovullusa okumaaye. Khaworattho wiikoha yeekha wi, “Ethiyo ello eri m'mattani mwakammu khehiyo yawoottha?”

Aroma 7:13

Ethiyo ello yaphaameella sika yeerihalle okhwa waka? Khe ddiiddo! Yoochimwa sika yeerihalle. Voopharihani mutteko yaphaama yeella, machimo yaakiipha miyaano wi yawoona ya yoochimweeyo yuupullulliwe. Sika vano, ekaamba ya malamulo machimo yohooneya wi tti oonanara wunchichi.

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

Aroma 7:11

Vawi machimo yaaphwanyellavo ekari va malamulo sika yaakilleka nave ekiipha.

Yobu 31:27

Murimaaka khonallekiweke, vooshoshonani nnatta naka.

Yobu 31:9

Murimaaka wakuseya ni mutthiyana, kiipittha otiyerella va mullako va mukhwaaka,

Mateyu 15:20

Ddenndda sika ddinamuripiha muthu. Koma ocha muhinawille m'mattani khonamuripiha muthu.”

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Hoseya 13:9

Kineerowoonongani Aisraele. Ethiyo ttaani anaawukavihereni?’

Genesis 3:6

Vano mutthiyanooyo oonilleeye wi muteekhooyo waari wooreera, ezipasonnddo ddaari ddoophwanella oddiva voochani nave wi ezipasonnddo ttuumweeriha wi akhalle eezeru, sika aarukullawo ezipaso dda muteekhooyo nave aacha. Vano ddimodda aaya amuvaha mamune nave olliyettho aacha.

2 Samuele 11:4

Sika Davide ahaarumiha amithenga wi yamukuse mutthiyanooyo. Yaawana wa Davide nave Davidooyo aakonana. (Enthawi yeeyo mutthiyanooyo aari amallihaka wene woona mweeri.)

Mateyu 4:1

Vano Munepa Waweella waamukusa Yesu oya muchipululuni wi eesiwe ni Satana.

Yakobo 1:13

Muthu eesiwaka ahilloteke wi, “Kinneesiwa ni Mulluku.” Vawi Mulluku khanawora weesiwa ni ddoonanara nave olliyooyo khanamweesa arive muthu.

Yakobo 1:15

Vano minkhella ddinakhalla wonanko ddinnakusa erukullu nave ddinnayara machimo. Nave machimwaayo yunnuwa, ennayara okhwa.