Yakobo 1:12 - Mawu a Mulluku

¹² Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Yakobo 1:12 ပူးပေါင်းရင်းမြစ်များ

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yakobo 5:11

Ninaweera oodala kaambiiwa yaavillella. Mwahiiwa dda ovillella wa Yobu navettho munnadduwella mmo eerelliweeye ni Apwiya voomallihella. Vawi Apwiya aaddalla ni ethakaraka ni oreera murima.

Aroma 8:28

Ninnadduwella wi mu ddeko ddittheddene Mulluku annaphara mutteko va athu ayo enamukonda wi ddaakhallelle phaama. Athu yaayo tti ayo aawiithanneeye moollikana ni yoolingaaye.

Mateyu 10:22

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

1 Akorinto 9:25

Arive muthu oothamaka, vookhozekellani anniihiiha va ddeko ddittheddene wi aakhelle emphaso yoomalla koma hiyaano nineera ddiiddo wi naakhelle emphaso yoohimalla.

1 Petro 3:14

Oodalisiwa tti nyu munahoosiwa ekaamba ya weera ddaphaama! Muhimooveke arive muthu nave muhikhupanyeke.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Miyambo 17:3

Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

1 Petro 4:13

Koma hakallallani mwaahoosiwaka wonanko Khrisitu. Sika wi muhakallalle wunchichi ntitimiho naye nuupullulliwa.

1 Akorinto 8:3

Koma muthu aamukondaka Mulluku, Mulluku annamudduwella olliyooyo.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Deuteronomo 13:3

nyuwaano muhiiwellelle ddennddo vawi Apwiya Mullukwaanyu enapaalla eweeseni wi yoone mwaarimi mwaakondaka ni okumaanyu muttheene.

Aheberi 10:32

Koma upuwellani ddaweereyelleninndde, enthawi elle mwaakhenlleenyu owala wa Mulluku, mwaavillella voowanani ekhoto moollipana ni ddoohoosa ddittheddene.

Masalimo 119:71

Tti waphaama wi kaallakiwa wi kihuddere malamulwaanyu.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Aheberi 6:15

Abrahamu aavillella mwawiithaalla nave sika ahaakhella nnddo Mulluku amulonjezilleeye.

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Masalimo 119:67

Kihinaambe ollakeya kaanahollowa, koma vano kinniiwellella mawaanyu.

Nehemiya 1:5

Vano kaallota wi, “Nyu Apwiya Mulluku ooddullu, Mulluku muullupalli ni awoopiha, oyo anasunga echipangano ni okhalla ni echikondi yoohisintha wa athu ayo enamukonda ni wiiwellella malamulwaaye.

Aheberi 11:17

Ekaamba ya echikhulupililo, Abrahamu ahaakhullella omuheraatthi mukutho mwanaye, Isaki, Mulluku amweesilleeye naari Mulluku amulonjezille mwaana aamullopwanoolla.

Masalimo 119:75

Nyu Apwiya kinnadduwella wi echiweruzwaanyu tti yoolungama moollikana ni ororomelleya wanyu.

1 Yohane 4:19

Ninnakonda kaambiiwa Mulluku aari awaamba onikonda.

Yesaya 64:4

Waambeella khalle khaavo oyo oonille apaalle iiwalle dda Mulluku mmodda oollikana ni nyuwaano, ooweerella ddawi ddiidda athu ootiyerella va olliye.

Masalimo 5:11

Koma ehakallalleke attheene ayo enathawella wa nyuwaano, yiipeke moohakallalla enthawi ettheene. Mwaakhupaarelle, wi ookonda nnddina nanyu ehakallalle mwa nyuwaano

Eksodo 20:6

Koma mibado ddooheerengeya nnddo ddinakikonda miyaano ni wiiwellella malamulwaaka, kinnaddikonda ni echikondi yoohisintheya.

Aheberi 12:5

Ethiyo mootiwalla mawu oollipiha murima a Mulluku uuhuddihalleeyeni nyuwaano wonanko anaaye wi, “Mwanaka ohinavevullaka ollaka wa Apwiya apaalle otathilla murima yaawuuhumullullaka?

Yobu 5:17

Oodala tti muthu oyo Mulluku anamuhumullulla. Sika ohivevulle aawuullakaka Amasiva Mattheene.

Masalimo 94:12

Nyu Apwiya, oodala tti muthu oyo munamulangizeenyu, oyo munamuhuddiheenyu malamulwaanyu.

Genesis 22:1

Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”

Yobu 2:10

Koma Yobu aamwaakhulla wi, “Onallota wonanko mutthiyana ookarangeya. Ethiyo ttuwaakhella ddaphaama ovenyera wa Mulluku nave ttuukhoota waakhella ddoonanara? Va ddittheddenenndda Yobu khaachimwalle ni eyanwaaye.”

Masalimo 11:5

Apwiya ennaweesa oolungama ni oonanara, enniitana ni oonanara, ooddivelliwa owukila.

Luka 6:22

“Oodalisiwa tti nyuwaano athu yawiitani, yuukhootani, yuullotellani epewe ni wuullotellani wi tti oonanara, ddittheddenennddo kaambiiwa muri oohuddera a miyaano Mwaana a Muthu.

Aroma 5:4

Ovillella onnaneeriha waakhullelliwa ni Mulluku nave waakhullelliwaangu onnaneeriha otiyera.

2 Timoteo 2:15

Ollipihelle okhalla awaakhullelleya vamiitthoni va Mulluku, wonanko mullupa mutteko oohiwulliwa muru ni muttekwaaye, oyo anahuddiha othenga wawoona wa Mulluku.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.