Tito 3:7 - Mawu a Mulluku

⁷ Sika wi mwa echisomwaaye nilungamihiwe ni Mulluku navettho wi naakhellena okumi woohimalla oyo ninatiyereehu.

Tito 3:7 ပူးပေါင်းရင်းမြစ်များ

Aroma 8:17

Vawi hiyaano tti anaaye, nineerewaakhella madaliso anaasungelleeye athwaaye, ninaakhelle ddenndda nimodda ni Khrisitu vawi noona ddoohoosa ni Khrisitu, nineerewaakhellattho ntitimiho naye.

Aroma 3:24

Koma athu enalungamihiwa ni emphaso ya echisomo ya Mulluku oweella mwa Khrisitu Yesu oyo anawoopolla.

Tito 2:11

Vawi echisomo ya Mulluku yohooneya wi yaavulluse athu attheene.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Agalatiya 2:16

Nave ninnadduwella wi muthu analungamihiwa ni Mulluku oweella mu echikhulupililove mwa Yesu Khrisitu, ohiri vawiiwellellani malamulo. Sika nookhulupilila mwa Khrisitu Yesu wi neeriwe aphaama ni Mulluku oweella mu echikhulupililo mwa Khrisitu nave ohiri vawiiwellellani malamulo. Vawi khaavo muthu aneeriwa oolungama vawiiwellellani malamulo.

Aroma 11:6

Otthoolla waye waari wa echisomo ohiri wa mitteko ddiwa. Vawi otthoolla wa Mulluku waariki wa mitteko dda athu, sika echisomwaaye yaakhalle yawoottha.

Agalatiya 3:29

Mwaarimi muri mwa Khrisitu, sika nyuwaano tti edduullu dda Abrahamu nave muneerewaakhella eyo Mulluku alonjezilleeye.

Aroma 4:16

Sika lonjezo naakeraatthihiwa va echikhulupililo nave lonjezonno ninasimikiza wi tti echisomo ya Mulluku wa edduullu ddittheddene dda Abrahamu, ohiri wa athuve eniiwellella malamulo komattho wa ayo enakhulupilila wonanko mmo Abrahamu eerilleeye. Vawi Abrahamu tti nikhollo na hiyaano attheene ookhulupilila,

Aroma 3:28

Vawi ninamalliha ni wi muthu analungamihiwa oweella mu echikhulupililove nave ohiri vawiiwellellani malamulo.

1 Petro 3:7

Emoddamoddave yeeyo nyuwaano allopwana munaphwanella mukhalleke ni awarinyu voodduwellani wi yaayo tti ooyeva masiva ohiyana ni nyuwaano. Mwaavaheke olemu kaambiiwa nayiiwattho eneerewaakhellana emphaso ya okumi wa Mulluku vamodda ni nyuwaano. Erani yeella wi vihikhalle ello yoohiiha mavekellwaanyu.

Aheberi 11:9

Ekaamba ya echikhulupililo, Abrahamu akhalla m'musasani wonanko mulleto mu ellapo eyo Mulluku amulonjezilleeye. Akhalla m'misasani. Isaki mwanaye ni Yakobo edduullwaaye, alliwattho yakhalla m'misasani vawi alliwattho yahaakhellana lonjezonna.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Aheberi 6:17

Mulluku aapaalla wi awoonihelle ayo yatiyera waakhella lonjezonno wi aneerokwakhwaniha opaalla waye, sika ahaanjerera ollupella waye va lonjezonno.

Agalatiya 4:7

Sika vano nyuwaano khamurittho akaporo koma mwaana aamullopwana apaalle mwaana aamutthiyana. Nave vawi muri awi ddiiddo, Mulluku aneerewuuvahani ddittheddene ariiyena wi ddikhalle ddaanyuddaanyu.

Aroma 4:4

Vano oyo anaphara mutteko, yawaakhellaaye kheneeriwa emphaso koma tti mallivello.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Mariko 10:17

Yesu avirellelleeye ni olendwaaye, muthu mmodda aamuthamakella, amukokhorella amukoha wi, “Ahuddihi aphaama, keere tini wi kaakhelle okumi woohimalla?”

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.