Tito 3:6 - Mawu a Mulluku

⁶ Mulluku aanimiminella Munepa Waweella mwawaata oweella mwa Yesu Khrisitu Oovullusaahu.

Tito 3:6 ပူးပေါင်းရင်းမြစ်များ

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Mitteko 10:45

Ayuda ookhulupilila ayo yavenyenre o Yopa ni Petro yaattikhina wi Mulluku aavaha emphaswaaye ya Munepa Waweella naari va athu oohikhalla Ayuda.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

Yohane 1:16

Ovenyera mu oddalla wa echisomwaaye olliye oonidalisa hiyaano attheene nave oonivaha echisomo moowaata.

Miyambo 1:23

Apellani maaru kaawuuhumullullakani vawi kinapaalla wuulleellani ddiri m'murimani mwaka nave mudduwelle maganizwaaka.

Tito 1:4

Kinuulembella wonanko Tito, mwanakamwanaka a echikhulupililo yoophwanaphwana ni miyaano. Echisomo ni murendelle ddoovenyera wa Attiitthiihu ni Khrisitu Yesu oonivullusa ddikhalle ni weyaano.

Aefeso 4:2

Enthawi ddittheddene mukhalleke oomaalleya, awiiyeviha ni oovillella. Mooniheke echikondaanyu voollevana.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Aroma 8:2

Vawi malamulo a Munepa Waweella, ayo enanivaha okumi mu eyaattano ni Khrisitu Yesu, yookittaphulla miyaano o malamulo a machimo ni okhwa.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Yohane 7:37

Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yesaya 32:15

Koma Apwiya eneeronirumihella munepiiwa ovenyera oddullu nave echipululu eneerotthattuwa ellapo ya ethaya yaphaama, emata ddittheddene ddineerewimma ddeko ddinchichi.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.