Tito 3:14 - Mawu a Mulluku

¹⁴ Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

Tito 3:14 ပူးပေါင်းရင်းမြစ်များ

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Mateyu 7:19

Vano orive muteekho woohimma ezipaso ddaphaama, oneerewuuhiwa navettho oneerovokhiwa viikho.

2 Petro 1:8

Nave mwakhallana makhallello yaalla nave yaanjerereya mwa nyuwaano vano waadduwella wanyu Apwiya Yesu Khrisitu oneerophara mutteko nave oneerewiima ezipaso.

Afilipi 4:17

Khehiyo wi kinapaalla waakhella emphasove koma kinapaalla wi koone mwaakhellaka madaliso ekaamba ya ovaha wanyu.

Aefeso 4:28

Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Yohane 15:8

Mwaawimmaka ezipaso ddinchichi wooniha wi nyuwaano tti oohudderaaka Attiitthaaka eneerotitimihiwa.

2 Atesalonika 3:8

Khanaachille yoocha ya arive muthu moohillivella koma naaphara mutteko moollipa otthaana ni mahiiyu ophiyera otopa wi nihuullemelleni nyuwaano.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Mateyu 21:19

Ahoona muteekho wanamukuyu mukhwipi mwa musewu aya vaavo koma khaaphwanyillevo ezipaso koma makukhuve. Vano aallota wa muteekhooyo wi, “Khawimmattho ezipaso mallapo mattheene!” Enthawi yeeyo muteekho wanamukuyooyo wahumma.

Mitteko 18:3

Yaanaphara mutteko woophwanaphwana ni Paulo, woosowa ekuwo ddootthipellella misasa. Sika Paulo aanakhalla ni alliwaayo enapharella nimodda muttekooyo.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

1 Atesalonika 2:9

Vawi munnuupuwella, asinnihu ni arokorihu mmo napharelleehu mutteko moollipihella! Naphara mutteko otthaana ni mahiiyu wi nihuukatamiheni nyuwaano nuullalleyelleehuuni othenga waphaama wa Mulluku.

Aroma 15:28

Sika kamalliha muttekoolla ni ovelleella makobiri mattheene yatotelliwe, kineerotimulla oya o Spaniya koma kineerewiimella owaninyunko wi kiwooneni.

Aroma 12:13

Muvelleelleke ddeko ddanyu wa ookhulupilila akhwiinyu oohoowa nave muwaakhelleke alleto m'mawaninyu.

Afilipi 4:16

Mwaakirumihella okhwaranya omodda nikavihero kapaalleemi o Tesalonika.

Tito 2:8

Mawaawo ekhalle awoona wi ehivaanyihiwe. Vano wi adanaawo ewulliwe muru nave ehikhallena yoonanara yoonillotella hiyaano.