Tito 3:13 - Mawu a Mulluku

¹³ Weeseese omukavihera Zena, mullupa a malamulo ni Apolo wi etimulle va olendwiiwa nave woonesese wi yookhalla ni erive ello enapaalleya.

Tito 3:13 ပူးပေါင်းရင်းမြစ်များ

Mitteko 18:24

Enthawi yeeyo Muyuda mmodda nnddina naye Apolo, oyo ayariwe o Alekizandriya, aawa o Efeso. Aari muthu oodduwella ollota phaama navettho aari oodduwella mawu a Mulluku.

Mateyu 22:35

nave mmodda a yaayo, muhuddihi a malamulo,* aamukoha Yesu wi amweese.

Mitteko 28:10

Yaaniriiha ni ddeko ddinchichi nave natimullalleehu voolendonooyo vakallawani, nahaakhella ddoopaalla ddahu.

1 Akorinto 16:11

Ahikhallevo muthu anaamuvevulle koma munaphwanella mumukavihere ovirellella voolendonaaye m'murendelleni wi ahokollweelle wa miyaano vawi miyaano vamodda ni mpingo wuno ninnamutiyerella.

Aroma 15:24

kinatiyera owoonani kaayaaka o Spaniya. Kinapaalla wi nyuwaano mukikavihere voolendonaaka o Spaniyanko kamalliha waarera moohakallalla ni nyuwaano enthawi yooyeva.

Mitteko 21:5

Nave mallapwaahwaalle yamanlliiwa, naatimulla voolendonaahu. Attheene vamodda ni awariwa owaaka aniiwa, yaanivelleella okhuma m'muzindani mulle eniphiyiha mukhwipi mwa enyanja, wenko naakokhora attheene nave nivekella.

Luka 14:3

Yesu ahaakoha ahuddihi a malamulo* ni Afarisi wi, “Malamulwaahu ennaakhullella omuchiriha muthu va nllapo na Sabata?”

Luka 11:52

“Nyu, ahuddihi a malamulo, mookhalla ni otulli! Moomukusa mumuvittha kiiyi a vamullakoni va enyumba ya ezeru. Nyuwaano weekhiinyu khamwaavollowillemo nave mwahaahiiha ayo yapaalla ovollowamo!”

Luka 11:45

Muhuddihi a malamulo mmodda aallota wi, “Ahuddihi, mwaallotaka ddiidda munanillotella epewe hiyaano.”

Luka 10:25

Muhuddihi a malamulo* mmodda ahiimella wi amweese Yesu, amukoha wi, “Ahuddihi, keere tini wi kaakhelle okumi woohimalla?”

Luka 7:30

Koma Afarisi* ni ahuddihi a malamulo* kheyawakhullenlle ddoopaalla dda Mulluku vookhootani obatiziwa ni Yohane.)

Mitteko 15:3

Vano Mpingo waarumihalliiwa nave yavirelliiwa o ezigawo dda Fenisiya ni Samariya, yaavuwiha dda orukunuwa murima wa athu ayo ehiri Ayuda nave epilli yeella yahaahakallalliha ookhulupilila attheene.

Mitteko 19:1

Apolo aariiye o Korinto, Paulo aheeta vamutundani oweella ezigawo ddimodda aphiya o Efeso. Wenko ahaaphwanyawo oohuddera amodda.

1 Akorinto 16:12

Vano dda munnihu Apolo, kaanamullipiha murima wunchichi wi awe owaninyunko ni ookhulupilila amodda koma olliye khaapanlle wi awe veneva. Nave aneeroowa akhalla ni enthawi.