Tito 3:10 - Mawu a Mulluku

¹⁰ Mumuchenjeze wookwakhwana wiilli muthu awaambiha omwareya koma aahiiwellella muhimpwatheke muthooyo.

Tito 3:10 ပူးပေါင်းရင်းမြစ်များ

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

2 Yohane 1:10

Sika vano, mmodda awa wa nyuwaano ahiwaana ehuddiho yeella, muhimwaakhelle mpa mwanyu apaalle omvaha mooni.

2 Timoteo 3:5

Eneereke wooneya wonanko oollapella koma masiviiwa yahaakhoota. Athu yaayo ohaathwareke.

2 Atesalonika 3:14

Mmodda aahiiwellella mawaahu a mu kalata yoolla, mooneseseni yooyo wi muhaattanena wi awulliwe muru.

2 Atesalonika 3:6

Asinnihu ni arokorihu ninnuulamulani, mu nnddina na Apwiihu Yesu Khrisitu wi mumwallaneke ni ookhulupilila attheene oolesi ni ayo ehinathwara ehuddiho mwaakhenlleenyu wa hiyaano.

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

Agalatiya 5:12

Weerokhalla phaama wi athu ayo enawaapheellihani muru yiihulle weekhiiwa!

1 Akorinto 11:19

Yookayikella kheyiivo, onaphwanella wi vikhalle okawaneya variyari va nyuwaano wi ayo eri oororomelleya yooneye phaama.

2 Akorinto 13:2

Va olendwaaka waneepiilli kahaachenjeza khalleve athu oochimwaayo ni athu amodda attheene. Nave vano kinimuuchenjezani wiilli wi kawa khaavo anaathawe ollakiwa.

2 Petro 2:1

Anamallotella awoottha yahooneya khalle variyari va athu nave emoddamoddave yeeyo ahuddihi awoottha eneerewooneya variyari vanyu. Mwawiitta eneerowaana ehuddiho ddawoononga. Nave eneerewaakhoota Apwiya ayo yaakullalle nave vaweerani ddiiddo eneerowaana woonongeya wawaakuva vaweekhiiwa.