Tito 3:1 - Mawu a Mulluku

¹ Owuupuseke ookhulupilila wi yiiyeviheke vamiitthoni va attekweene ni oolamulella nave ewiiwellelleke. Navettho ekhalleke ookhozeka ophara mitteko ddaphaama ddittheddene.

Tito 3:1 ပူးပေါင်းရင်းမြစ်များ

Oollalleya 10:4

Oolamulella uushella murima ohinavenyavo vanipuroni vawo vawi wiithaalla onnavuhellella ddoolakwa dduullupalli.

Miyambo 24:21

Mwanaka, owooveke Apwiya ni mwene nave owiiwellelleke attheenaayo.

Mateyu 22:21

Yahaakhulla wi, “Dda Kaisara, o Roma.” Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.”

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

2 Timoteo 2:21

Mmodda addeelliha yeekhaaye voohiyani ddeko ddoonanara ddittheddene eneerokhalla wonanko yookusella yoolemu, yaweellihiwa ni yoopharihiwa mutteko ni mwaneena a enyumbeeyo, yookhozekella mitteko ddaphaama ddittheddene.

2 Timoteo 1:6

Ekaamba ya yeella kinimawuupusa wi okharihe wonanko munllo emphaso eyo waavahiwewe ni Mulluku kiyaattheemi matta va weyaano.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

1 Timoteo 4:6

Waahuddiha ookhulupilila ddeko ddenndda, oneerokhalla oorumeyella aphaama a Khrisitu Yesu, oollelliwa ni mawu a echikhulupililo ni a ehuddiho yawoona eyo wathwanreewe.

1 Timoteo 2:2

mamwene ni attheene ayo enalamulella wi nikhalle ni okumi woomaalleya ni wamurendelle, voomutitimihani ni ollapella Mulluku.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Yeremiya 27:17

Muhiwiiwellelle koma mumurumeyelleke mwene a o Babiloni wi muvulluse okumaanyu. Muzindoolla onaatthattuwelle tini ntepe?

Deuteronomo 17:12

Arive muthu oohimwiiwellella mullupa mukutho oyo anaarumeyella Apwiya Mullukwaanyu apaalle oohimwiiwellella aweeruza, iiphiwe. Sika muvenyihekevo yoonanara variyari vanyu.

2 Petro 1:12

Sika enthawi ddittheddene kineerekowuupusani dda ddeko ddenndda naari mudduwellaka khalle nave khamunatikheya mu yawoona mwaakhenlleenyu.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Yesaya 43:26

Okuupuse ddakhalle, hanko vano nillote mullatwaawo, kitthopoollelle mullatwaawo wi kholakwille.

Yuda 1:5

Naari mwadduwenlle khalle ddittheddene vano kinapaalla kiwuupuseni wi Apwiya yaavullusa Aisraele ovenyera o Iguputo koma vatulli viwa yaawoononga attheene a alliwaayo ayo yahikhulupilila.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

2 Timoteo 2:14

Owuupuse ddeko ddenndda ni waalamula vamiitthoni va Mulluku wi ehivaanyihaneke dda mawu ayo ehineera ddaphaama koma enakhulla woononga awiiwaayo.

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.