Tito 2:8 - Mawu a Mulluku

⁸ Mawaawo ekhalle awoona wi ehivaanyihiwe. Vano wi adanaawo ewulliwe muru nave ehikhallena yoonanara yoonillotella hiyaano.

Tito 2:8 ပူးပေါင်းရင်းမြစ်များ

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

1 Petro 2:15

Vawi Mulluku anapaalla wi nyuwaano mwaahiihe athu ollota mookarangeya moohidduwella vaweerani ddeko ddaphaama.

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.

1 Timoteo 6:3

Muthu ahuddiha ddoohiyana ni ddenndda ni ohiiwanana ni mawu awoona a Apwiihu Yesu Khrisitu ni ehuddiho ya echikhulupililwaahu,

2 Atesalonika 3:14

Mmodda aahiiwellella mawaahu a mu kalata yoolla, mooneseseni yooyo wi muhaattanena wi awulliwe muru.

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

1 Timoteo 5:14

Sika kinapaalla wi anaamukhwelle a miyakha ddooyeva etthelliweke, yaayareke anamwani, yeetiheke mabanjiiwa wi ehaavahe adaniihu ekari yoollota ddoonanara dda hiyaano.

Luka 13:17

Waakhulla wonngu wahaawulliha muru adanaaye attheene koma athu amodda attheene yaahakallalla ni ddeko ddittheddene ddoottikhiniha eerilleeye.

Mariko 12:34

Nave Yesu vawoonani wi ahaakhulla mweezeru, vano aallota wi, “Khorakamellane ni omwene wa Mulluku.” Ddiviralle ddenndda khavaarittho muthu allipalle murima omukoha Yesu makoho mamodda.

Mariko 12:32

Muhuddihi a malamulo aallota wa Yesu wi, “Mohaakhulla phaama, Ahuddihi! Moollota ddawoona wi ori Mulluku mmodda.

Mariko 12:28

Muhuddihi a malamulo* aari iiwellellaka ovaanyihananko. Ahoona wi Yesu aawaakhulla phaama Asaduki, sika aamukoha wi, “Lamulo nuullupalli ohiyana ni mattheene tti niivi?”

Mariko 12:17

Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.” Vano Yesu ahaattikhiniha.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.