Tito 2:13 - Mawu a Mulluku

¹³ Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Tito 2:13 ပူးပေါင်းရင်းမြစ်များ

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

1 Akorinto 1:7

Sika kheyiivo emphaso ya Mulluku muyelleelleenyu, munatiyereenyu wuupullulliwa wa Apwiihu Yesu Khrisitu yaawaaka.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Mariko 14:62

Yesu ahaakhulla wi, “Tti meene nave muneerokoona mi, Mwaana a Muthu, kikeraatthille onnattanatta na Mulluku Amasiva Mattheene kiwaaka vamiraponi ddooddullu!”

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

2 Timoteo 4:1

Vamiitthoni va Mulluku ni va Khrisitu Yesu, oyo anaaweeruze athu attheene ookumi ni ookhwa nave oyo anaawe wi alamulelle wonanko Mwene, kinimuulamula weyaano wi,

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Mitteko 24:15

Kinnamutiyera Mulluku wonanko alliwa wi athu attheene oolungama ni oohilungama eneerovenya wa ookhwa.

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Tito 3:4

Koma Mulluku Oovullusaahu uupullullalleeye oreera murima ni echikondaaye,

Akolose 3:4

Okumaanyu tti omurumeyella Khrisitu nave ooneya, sika nanyeenettho muneerewooneya ni olliyooyo nave muneerokhalla ni ntitimiho naye.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Yesaya 25:9

Nllapo nenno arive muthu aneerollota wi, “Olla sika Mullukwaahu! Naamuroromella wi aneeronivullusa vawi olliye tti Apwiya. Naamuroromella vano hankoni nihakallalle ni othapella ekaamba yawi oonivullusa.”

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Mateyu 25:31

“Mi, Mwaana a Muthu, kaawaka mu ntitimiho naka wonanko mwene ni angelo attheene, kineerokeraatthi vampandonaaka wantitimiho.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Aroma 8:18

Kinnasimikiza wi ddoohoosa dda mallapo yaalla khaddinaphwanaphwana ni ntitimiho ninawanno nno ninawuupullulliwe wa hiyaano.

1 Timoteo 1:1

Ovenyera wa miyaano Paulo, murummwa a Khrisitu Yesu moollikana ni olamula wa Mulluku oovullusaahu navettho Khrisitu Yesu, otiyera wahu.

2 Timoteo 1:2

Kinuulembella weyaano Timoteo mwanaka ookondiwa. Echisomo, echifundo ni murendelle ddoovenyera wa Mulluku Attiitthiihu ni Khrisitu Yesu Apwiihu ddikhalle ni weyaano.

Tito 1:4

Kinuulembella wonanko Tito, mwanakamwanaka a echikhulupililo yoophwanaphwana ni miyaano. Echisomo ni murendelle ddoovenyera wa Attiitthiihu ni Khrisitu Yesu oonivullusa ddikhalle ni weyaano.

Yuda 1:21

Mukhalleke mu echikondi ya Mulluku, mwaatiyeraka okumi woohimalla oyo Apwiya Yesu Khrisitu eneeriiwa yuuvaheni mwa echifundwiiwa.