Tito 2:12 - Mawu a Mulluku

¹² Echisomweella enanihuddiha hiyaano ohiya makhallello oochimwa navettho minkhella dda ellapo yavatthi nave wi nikhalle awiihiiha, oolungama ni oomulluku mu ellapweella.

Tito 2:12 ပူးပေါင်းရင်းမြစ်များ

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

Mateyu 16:24

Vano Yesu aallota wa oohudderaaye wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Aroma 6:19

Kinallota wonanko mmo muthu anallotelleeye wi mwiiwesese. Khalle mwahiivelleella wi mukhalle akaporo a machimo ni a ddoonanara wi mukhalle mu mitteko ddoonanara. Emoddamoddave yeeyo vano mwiivelleelle wi mukhalle akaporo oolungama wi mukhalle mu mitteko ddaweella.

Masalimo 4:3

Koma vano mudduwelle wi, Apwiya Ahiipatulella athu oolungama. Apwiya enniiwa kaawiithanaka.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

2 Timoteo 3:12

Nave attheene ayo enapaalla okhalla mu okumi woomullapella Mulluku mwa eyaattano ni Khrisitu Yesu eneerohoosiwa.

Yawuupullulla 14:12

Vano nngu sika wiithaniwa wa athu a Mulluku ayo enathwara malamulwaaye wi evillelleke ni okhalla oororomelleya wa Yesu.

Luka 1:75

koma mwaweella murima ni mwa echilungamo vamiitthoni vaye mallapo mattheene ookumaahu.”

1 Atesalonika 4:7

Mulluku khaaniithanne wi neereke ddooraruwa koma ddaweella.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

1 Atesalonika 4:9

Khonapaalleyattho wi nuulembelleni ddawaakonda akhwiinyu ookhulupilila. Nyuwaano nyookha moohuddihiwa ni Mulluku mmo munakondellaneenyu.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Aroma 6:12

Sika muhaakhullelle wi machimo evirellelle olamulella makhallellwaanyu akhalle wi eweeriheni wiiwellella minkhella ddiwannddo.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

2 Petro 3:11

Vawi ddeko ddittheddenenndda ddineerewoonongiwa mwawi ddiidda, munaakhalle athu a mutundu tini? Okumaanyu onaphwanella okhalle wa weella nave wawiivelleella wa Mulluku,

Aheberi 8:11

Khavipaalleyattho wi muthu amuhuddihe mukhwaaye, apaalle ollota wa mukhwaaye wi, ‘Waadduwelle Apwiya.’ Vawi attheenaayo eneerokidduwella miyaano, waambeella wa mung'onong'ono, ophiyera wa muullupalli.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

1 Timoteo 4:12

Muthu ahuuvevulle kaambiiwa ori musombwe koma okhalle echisanzo wa yaayo enakhulupilila, mu mawaawo, mu makhallellwaawo, mu echikondaawo, mu echikhulupililo ni mu weella murima wawo.

Akolose 1:22

Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Agalatiya 1:4

Khrisitu ahiivelleella ekaamba ya machimwaahu voomwiiwellellani Mulluku, Attiitthiihu wi anoopolle ovenyera o ellapo yoonanareella.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Aroma 8:13

Vawi mwakhalla moollikana ni omuthwaanyu, muneerokhwa koma mwahiya ddaweera ddanyu ddoonanara mookaviheriwa ni Munepa Waweella, muneerokhalla akumi.

Mitteko 24:25

Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Yohane 14:30

Ngillotattho ddinchichi ni nyuwaano vano kaambiiwa oolamulella a ellapweella animawa. Koma olliye khanna olamulello va miyaano.

Yohane 6:25

Athu yaamphwanyilliiwa Yesu vakhopella va enyanjeelle, yaamukoha wi, “Ahuddihi, mwawiille niini wuno?”

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Masalimo 105:45

wi athwiiwa esungeke malangizo, ethwareke malamulwiiwa mattheene. Aleluya!

Yuda 1:18

Yahuulleellani wi, “Va mallapo oomallihella vineerokhalla athu oovevulla, owiitukhulla voothwarani minkhella ddiwa ddoonanara.”

2 Timoteo 4:10

Dema aakonda dda ellapo yavatthi nave ookihiya miyaano aya o Tesalonika. Kresike akelle o Galatiya nave Tito akelle o Dalamatiya.

Mateyu 12:32

Nave oyo anakillotella epewe mi, Mwaana a Muthu, aneerokhululukelliwa koma oyo anallotella epewe Munepa Waweella khakhululukelliwa enthawi yeella naari muhoollo.

1 Timoteo 6:9

Nave ayo enapaalla okhalla eeyuuma eneereweesiwa nave ennamakiwa m'millapani dda minkhella ddinchichi ddoovoreya ni ddookarangeya. Ddenndda ddinnaweeriha athu ovollowa mu ddoohoosa ni ddawoononga.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.