Tito 1:16 - Mawu a Mulluku

¹⁶ Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Tito 1:16 ပူးပေါင်းရင်းမြစ်များ

1 Yohane 2:4

Ayo enallota wi ennamudduwella koma kheniiwellella malamulwaaye, tti awoottha nave mwa alliwaayo yawoona kheyaamo.

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

1 Timoteo 5:8

Nave mmodda aahaakaviheraka abalaaye, makamaka a munibanjani naye, olliye ookhoota echikhulupililo nave tti oonanara ohiyana ni oohikhulupilila.

Yesaya 58:2

Ennakaashaasha nllapo ni nllapo voopaallani wi edduwelle ettilla ddaka. Wonanko mutundu waweera ddoolungama oohihiya malangizo a Mullukwiiwa, alliwa ennakiveka malangizo oolungama nave ennahakallalla okaatamella miyaano Mullukwiiwa.”

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

1 Samuele 15:24

Saulo aamulleella Samuele wi, “Koochimwa, ngaawiiwellelle Apwiya ni nyuwaano vawi kawoova athu ni owiiwellella alliwaayo.

Yobu 15:16

Vawiidde muthu oonanara ni oochimwa, oowirya ddoonanara wonanko maaddi.

1 Timoteo 1:9

Nave ninnadduwellattho wi malamulo khenapangelliwa athu oolungama koma a etiyamaaru ni oohiiwellella, oohimullapella Mulluku, oochimwa, oonanara ni oomwiita Mulluku ni oowiipha attiitthiiwa, ameewa ni oowiipha akhwiiwa,

Numeri 24:16

Mawu a oyo aniiwa mawu a Mulluku Amasiva Mattheene, oyo anamoona Mulluku m'masomphenya, oyo aniikuha miitthwaaye eri ookhunuuwa.

Yeremiya 6:30

Alliwa tti wonanko siliva ootathilliwa vawi Apwiya ahaakhoota.”

Miyambo 30:12

Vookhalla amodda enaddeesa aweella koma khenavenyihe ddoonanara ddiwa.

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Yeremiya 12:2

Nyu mwaawaalla nave yaamella misisi, ennunnuwa nave enniima ezipaso. Muri muwano mwiwa koma mirima ddiwa ddiri woorekama ni nyuwaano.

2 Timoteo 3:17

wi muthu oomurumeyella Mulluku akhalle oophwanellella ni ookhozeka weera mitteko ddittheddene ddaphaama.

Tito 3:1

Owuupuseke ookhulupilila wi yiiyeviheke vamiitthoni va attekweene ni oolamulella nave ewiiwellelleke. Navettho ekhalleke ookhozeka ophara mitteko ddaphaama ddittheddene.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.