Tito 1:15 - Mawu a Mulluku

¹⁵ Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

Tito 1:15 ပူးပေါင်းရင်းမြစ်များ

Aroma 14:14

Ekaamba ya eyaattano ni Apwiya Yesu koodduwella nave koosimikiza wi kheyiivo ello yoonanara mwaweekhiiwa koma enakhalla yoonanara muthu ayiganizera wi tti yoonanara.

Aroma 14:20

Muhoononge mutteko wa Mulluku ekaamba ya yoocha. Erive yoocha tti yaphaama koma tti olakwa ocha ello enaaweeriha asinnihu ni arokorihu ochimwa.

1 Akorinto 10:23

Athu amodda ennallota wi, “Ninnaakhullelliwa weera erive ello.” Ddawoona koma khe ddeko ddittheddene ddiri ddaphaama. Ninnaakhullelliwa weera erive ello koma khe ddittheddene ddinanillipiha.

Mateyu 15:18

Nave mawu ookhuma muwano mwa muthu enavenyera m'murimani, alla sika enamuripiha.

Aroma 14:23

Koma oyo anakayikella ello anacheeye, Mulluku annamweeruza aachaka ello yeeyo kaambiiwa khenre ello yeeyo ni echikhulupililo. Nave erive ello ehineeriwa ni echikhulupililo, tti machimo.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Mitteko 10:15

Mawaalle yahiiweya wiilli ellotiwaka wi, “Oheereke yoonanara eyo yeellihiwe ni Mulluku.”

1 Akorinto 8:7

Koma khe arive muthu anadduwella yeella. Athu amodda aaddollweella mafano sika naari vano yaachaka yoocha yeella eneesave tti yooheraatthiwa mukutho wa mafano. Yawuupusella murimiiwa tti yoofooka nave enaganiza wi aaripihiwa ni yoocheeyo.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

1 Akorinto 10:25

Munnaakhullelliwa ocha erive ello yookullihiwa va musika wa enama, moohikoha makoho ekaamba ya yawuupusella murimaanyu.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

Miyambo 21:4

Wiitukhulla ni wiinyarulla tti enyali ya oonanara, tti nichimo.

Hagai 2:13

Vano Hagai ahaakoha wi, “Ethiyo muthu oyo aripihiwe voottannyani mutembo, apharattho ddenndda, sika wi ddineeroripihiwa?” Allupa mukuthwaayo yahaakhulla wi, “Ee, ddineeroripihiwa.”

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

Miyambo 30:12

Vookhalla amodda enaddeesa aweella koma khenavenyihe ddoonanara ddiwa.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.