Tito 1:13 - Mawu a Mulluku

¹³ Omboni yoolla tti wawoona. Sika waahumullulle moosimwa wi ekhalle mu echikhulupililo yawoona,

Tito 1:13 ပူးပေါင်းရင်းမြစ်များ

Tito 2:2

Waalleelle allopwana awuulluvalla wi ekhalleke oohilezela, eezeru, awiihiiha, oollipihella mu echikhulupililwiiwa, mu echikondi navettho mu ovillella.

1 Timoteo 5:20

Attekweene ayo enavirellella ochimwa, waahumullulleke vamiitthoni va attheene wi amoddaayo yooveke.

Tito 2:15

Ohuddihe ddeko ddenndda navettho opharihe mutteko olamulellwaawo vawaallipihani murima ni waahumullulla. Vihikhalle muthu anuuvevulleke.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

2 Akorinto 13:10

Kinamulemba kalatoolla kihinaphiye wi kaphiya kihikhalle oowalli voopharihani mutteko olamulello oyo Apwiya yakivahilliiwa. Olamulello yoolla tti wawuullipihani ohiri wawuumwarani.

1 Timoteo 4:6

Waahuddiha ookhulupilila ddeko ddenndda, oneerokhalla oorumeyella aphaama a Khrisitu Yesu, oollelliwa ni mawu a echikhulupililo ni a ehuddiho yawoona eyo wathwanreewe.

Miyambo 27:5

Ohumullulla vaweella onnakhwaranya echikondi yawiipittheya.

Masalimo 141:5

Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

Masalimo 119:80

Murimaaka ohikhalle ni yoolakwa va malamulwaanyu wi kihiwulliwe muru.

Levitiko 19:17

“Muhiniitana ni mbalaanyu m'murimani mwanyu koma mumuhumullulle mwa echilungamo wi muhaakhullellane ni nichimo naye.

1 Timoteo 1:10

ooraruwa, ookonana ni allopwana akhwiiwa, oowaakulla athu, oowoottha, oovelleella omboni wawoottha nave ni arive muthu aneera erive ello yoovaanyana ni ehuddiho yawoona.