Rute 4:6 - Mawu a Mulluku

⁶ Vano mbalaayooyo aallota wi, “Ngiwora woopolla emateeyo wi ekhalle yaaka, woova wi kineerowoononga yoohallanaaka nave miyaano ni a munibanjani naka nineerohoowa. Mukulle nyuwaano, miyaano ngiwora.”

Rute 4:6 ပူးပေါင်းရင်းမြစ်များ

Rute 3:13

Kona weewuno mahiiyu vano. Ohinase olliyooyo uutthella ddaphaamave koma ahipaallaka, miyaano kineerewuutthella. Kinimallupella vamiitthoni va Apwiya Ookumi. Kona ophiyera ohinase.”

Levitiko 25:25

“Muisraele mukhwaawo akhalla oohoowa nave akulliha emataaye mbalaayebalaaye ttuuwoopolla emateeyo.

Deuteronomo 25:7

Koma mullopwanooyo aahimupaallaka naamukhwellooyo, vano mutthiyanooyo aye o nthato na attekweene akhupanye wi, ‘Mwanamunne a mamunakoolle khanapaalla wi nnddina na mbalaaye nivirellelle mu Israele. Olliye onimakhoota okiyarella anamwani.’

Genesis 38:8

Sika Yuda aamulleella Onani wi, “Okone ni mwaara muha mwanamunnoolle. Onaphwanella ovollowe munipuroni mwaye wi muha mwanamunno akhalle ni anamwani.”

Deuteronomo 25:8

Vano attekweene a nthato emwiithane mullopwanooyo wi ellotena. Avirellella okhoota omutthella,

Deuteronomo 25:9

mutthiyanooyo aye wa mullamwaayooyo vamiitthoni va attekweene attheenaayo nave amurulle esapato ya nnyallo nimodda amuttaphere owiitthoni navettho allote wi, ‘Ddenndda sika ddoophwanella omweerella muthu ookhoota omuvaha edduullu mwanamunne.’

Rute 2:20

Vano Naomi aamulleella Rute wi, “Apwiya emudalise muthu yoolla. Apwiya enasunga malonjezwiiwa wa athu ookumi naarittho wa athu ookhwa.” Nave aallotattho wi, “Muthooyo tti munasaahu, mmodda mwa abalaahu, oyo ari ni olamulello woonipwatha hiyaano.”

Rute 3:9

Vano aamukoha wi, “We ori aani?” Mutthiyanooyo ahaakhulla wi, “Mi tti Rute, mullupa mutteko aamutthiyanaanyu. Pepaani, wakhalla wooworeya mukikhuneelle ni yawiikhuneellaanyu kaambiiwa nyuwaano tti mbalaaye a muha mamunaka nave munaphwanella mukipwatheke vookitthellani.”