Rute 4:11 - Mawu a Mulluku

¹¹ Athu attheene yaari vamullakoni valle ni attekweenaalle yaallota wi, “Ee, hiyaano tti amboni. Mutthiyana oyo onaamutthelleewe, Apwiya emweerihe wi akhalle wonanko Rakele ni Leya, atthiyana ayo yamuyarele Yakobo anamwani anchichi. Weyaano okhalle muthu eeyuuma mu nlloko na Efurata nave okhalle muthu oovuwa mu etawoni ya Betelehemu.

Rute 4:11 ပူးပေါင်းရင်းမြစ်များ

Genesis 29:32

Nave Leya aakusa erukullu nave aamuyara mwaana aamullopwana. Sika aallota wi, “Apwiya ahoona ddookatamiha ddaka. Ddawoona vano mamunaka aneerewaamba okikonda.” Mwawi ddiiddo mwaanooyo aamuvaha nnddina nawi Rubeni.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Masalimo 132:6

Nahiiwa dda nibokosi na echipangano o Efurata, naaniphwanya mu emata dda o Yaara.

Rute 1:2

Nnddina na muthu yoolla naari Elimeleki nave mwaariye aari Naomi. Anaaye eellaalle manddiniiwa yaari Maloni ni Kiliyoni. Yaari a nlloko na Efurati oovenyera o Betelehemu o Yuda. Yaaya o Mowabu yakhallaka wenko.

Deuteronomo 25:9

mutthiyanooyo aye wa mullamwaayooyo vamiitthoni va attekweene attheenaayo nave amurulle esapato ya nnyallo nimodda amuttaphere owiitthoni navettho allote wi, ‘Ddenndda sika ddoophwanella omweerella muthu ookhoota omuvaha edduullu mwanamunne.’

Genesis 24:60

Nave yaamudalisa Rebekooyo voollotani wi, “Weyaano murokorihu, Apwiya yuudalise wi okhalle moowe a athu awaata wunchichi. Edduullu ddawo ddineerewaagonjiha adaniiwa.”

Miyambo 14:1

Mutthiyana eezeru ennamaka nibanja koma ookarangeya annanimwara ni mattaaye.

Genesis 23:10

Vaavo Efuronooyo sika ari ni Ahiti o nipuro na mutthukumano va mullako woovollowella m'muzindani. Nave athu attheenaayo yiiwaka, ahaakhulla wi,

Genesis 29:25

Osaka wene ohinase, Yakobo ahoona wi mutthiyanooyo tti Leya. Sika aamukoha Labani wi, “Kaambiiwa tini mukeerenlleenyu ddenndda? Ethiyo valle nguupharelleni mutteko wi kimutthelle Rakele? Kaambiiwa tini mukillenkeenyu?”

Miyambo 31:23

Mamune annadduwanyeya va nthato akhalla variyari va attekweene a ellapo.

Genesis 29:16

Labani aari ni anamwani aatthiyana eelli, muullupalli Leya, mung'onong'ono Rakele.

Genesis 35:23

Anamwani aallopwana a Leya yaari Rubeni mwaana awaamba a Yakobo, Simeoni, Levi, Yuda, Isakara ni Zebuloni.

Genesis 35:24

Anamwani a Rakele yaari Yosefe ni Benjamini.

Deuteronomo 25:7

Koma mullopwanooyo aahimupaallaka naamukhwellooyo, vano mutthiyanooyo aye o nthato na attekweene akhupanye wi, ‘Mwanamunne a mamunakoolle khanapaalla wi nnddina na mbalaaye nivirellelle mu Israele. Olliye onimakhoota okiyarella anamwani.’

1 Mamwene 21:8

Vano Yezebele ahaalemba makalata mu nnddina na Ahabu, aadinda ni echidindo ya mwene. Nave ahaarumiha wa attekweene ni oohoollella ayo yakhalla ni Naboti m'muzindaaye.

1 Epilli 2:51

Salima aamuyara Betelehemu navettho Harefi aamuyara Betegadere.

Yeremiya 32:10

Kaamusayina kalata, kimmarella vamiitthoni va amboni nave kaalinga makobiri va sikelo.