Rute 4:10 - Mawu a Mulluku

¹⁰ Koomukusattho Rute a o Mowaboolle, mwaara a muha Maloni wi akhalle mwaaraka. Nave aayare anamwani wi emateeyo ekhalle yoohallana ya nibanja na ookhooyo. Nave wi nnddina naye nihitiwalliwe variyari va abalaaye ni athu oowaniwa. Nyuwaano attheene ollellova tti amboni.”

Rute 4:10 ပူးပေါင်းရင်းမြစ်များ

Deuteronomo 25:6

Mwaana awaamba mpammo anaakhalle mwaana a ookhooyo wi nnddina na nibanja naye nihithiimihiwe mu Israele.

Aefeso 5:25

Allopwananyu, mwaakondeke awarinyu wonanko mmo Khrisitu aakondelleeye mpingo nave aavelleella okumaaye ekaamba ya mpingooyo.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Malaki 2:14

Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Hoseya 12:12

Yakobo aathawella mu ellapo ya Mesopotamiya wenko olliye aaphara mutteko woomullimella mutthiyana. Aanachiha enkhosa wi amutthelle mutthiyanooyo.

Hoseya 3:2

Sika kaamutthellattho voomopollani ni makobiri khumi ni matthanu owaaka mitaanga mitthanu ni miilli ya barele.

Yesaya 48:19

Anaawo yeerewaata wonanko mihava, edduullu ddawo wonanko nthupi. Nnddina niwa khanaavenyihiwe vamiitthoni vaka, khanaamwaramwasiwe.”

Miyambo 19:14

Muthu annahallana enyumba ni eyuuma ovenyera wa makhollwaaye koma mutthiyana eezeru tti emphaso ya Apwiya.

Miyambo 18:22

Oyo amuphwanyille mutthiyana oophwanya ello yaphaama nave Apwiya aamweerella echifundo.

Masalimo 109:15

Apwiya ehikhululuke machimwiiwa wa enthawi yoohimalla, Koma athwaayo etiwalleye va ellapo yavatthi.

Masalimo 34:16

Koma Apwiya ennaananariwella aweera ddoonanara, vawi khewa yuupuwelleya vatthimva.

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”

Genesis 29:27

Tiyera ophiyera omallihalle mulungu wa machellello na okwati vatulli viwa kineerewuuvaha Rakele nave wi oneerokipharellattho mutteko miyakha mitthanu ni miilli.”

Rute 4:9

Vano Bowazoolle ahaalleella attekweene ni athu attheene yaari vaavwaayo wi, “Attheenenyu tti amboni ollello wi miyaano kookulla wa Naomi ddeko ddittheddene nnddo ddaari dda ayo yakhwille, Elimeleki, Kiliyoni ni Maloni.

Genesis 38:9

Koma Onani aadduwella wi anamwanaayo khekhalla aaye. Sika vookonani ni mutthiyanooyo aatathillella vatthi mmiddwaaye wi ahimuyarelle anamwani mwanamunne.