Rute 3:7 - Mawu a Mulluku

⁷ Bowazi amallihalle ocha ni owirya, aari oohakallalla nave aaya akonaatthi vakhwipi mvo vuukelliwe tirigu. Vano Rute aawa moohirumiha mukhito akhunuulla manyallo a Bowazi, akonaatthi vaavo.

Rute 3:7 ပူးပေါင်းရင်းမြစ်များ

Estere 1:10

Va nllapo naneetthanu ni piilli na machellello nno mwene ahakallallilleeye m'murimani mwaye ekaamba ya omuwirya vinyo, aawiithana Mehumani, Bizita, Haribona, Bigita, Abagita, Zetara ni Karikasi. Alla yaari allupa mutteko amwene oohulliwa* atthanu ni eelli.

Oweeruza 19:6

Sika athu eellaalle yaakeraatthi anacha nave enawirya nimodda. Attiitthinnya a mutthiyanooyo yaamulleella mukamweniiwooyo wi, “Konanittho weewuno ollello, murimaanyu ohakallalle.”

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

Oweeruza 19:9

Muthooyo, mwaariye mung'onong'ono ni oorumeyellaayoolle yatimulliiwa wi eroweke, attiitthinnya a mwaariyooyo yaamulleella wi, “Ngoonani nndduwa nihanlle vang'ono ovollowa nave vano tti misikuwa. Pepaani konanittho weewuno. Ngoonani onimaripa. Konani weewuno, muhakallalle. Osiisello muneeropeha ohinase wi muroweke owaninyu.”

Oollalleya 10:19

Machellello ennamuhakallalliha muthu nave vinyo tti oohakallalliha okumi koma ddittheddenennddo ddinapaalla makobiri.

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Oollalleya 8:15

Ella sika ekaambiiwa kinalloteemi wi muthu ahakallalleke ni okumi vawi khanna yaphaama emodda vatthimva okhwaranya ocha, owirya ni wiihakallalliha. Eeddiiddo aneerohakallalla ni muttekwaaye mallapo mattheene ayo Mulluku amuvahilleeye vatthimva.

Oollalleya 2:24

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye. Kaadduwella wi ddenndda tti ddoovenyera wa Mulluku.

Masalimo 104:15

ni vinyo wi ahakallalliheke murimaaye, makhura awiihella wi mwiilli woolloweke, buledi wi amuvaheke masiva.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

1 Mamwene 21:7

Vaavo Yezebele, mwaariye aamukoha wi, “Ethiyo nyu khemuhiyo mwene a o Israele? Venyani, khaweni mwache nave murimaanyu ohakallalle. Mi kineerewukusellani emata yampeseeyo ovenyera wa Naboti Muyezireele.”

Oweeruza 19:22

Yachiiwa moohakallalla, yaawoona athu a m'muzindanimmo, athu oonanara, yaaphenlle enyumbeeyo yuukuthaka nchiwi. Yaamulleella muthu awuulluvalloolle, mwaneena a enyumboolle wi, “Mukhumihe muthu olle awiille mpa mwawo wi nikonena.”

Oweeruza 16:25

Mirima ddiwa ddaweellilliiwa yaallota wi, “Mwiithaneni Samisoni wi anihakallallihe.” Sika yaamukhumiha Samisoni mundende, vano olliye ahaamba waahakallalliha. Sika yaamwimmesa variyari va apoto

Genesis 43:34

Yoocheeyo yakawiwa ovenyera va tebulo ya Yosefe koma yoocha yoovelleelliwa wa Benjamini yaari yawaata wonanko ya athu atthanu. Sika attheenaayo yaacha ni owirya ni Yosefe ophiyera yaavona nave yaahakallalla nimodda ni olliye.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

Rute 3:6

Sika Rute aayaawo onipuroni naye noomuuputhella wulle nave aheera moollikana ni mmo akogwawaayaalle yamulleellelliiwa.

Rute 3:8

Vano variyari va mahiiyu Bowazi aarurumuwa, arukunuwa nave aamoona mutthiyana akonaatthille omanyalloni waye.