Rute 3:13 - Mawu a Mulluku

¹³ Kona weewuno mahiiyu vano. Ohinase olliyooyo uutthella ddaphaamave koma ahipaallaka, miyaano kineerewuutthella. Kinimallupella vamiitthoni va Apwiya Ookumi. Kona ophiyera ohinase.”

Rute 3:13 ပူးပေါင်းရင်းမြစ်များ

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Rute 4:5

Koma vano Bowazi aamulleella wi, “Nllapo nenno onaakulleewe emata wa Naomi, oneeromukusattho Rute, Mmowabu, mutthiyana olle mamune akhwille. Vano aayare anamwani wi nnddina na muha mamunooyo nuupuwelliweke nave emateeyo ekhalle yoohallana ya nibanjanno.”

Rute 2:20

Vano Naomi aamulleella Rute wi, “Apwiya emudalise muthu yoolla. Apwiya enasunga malonjezwiiwa wa athu ookumi naarittho wa athu ookhwa.” Nave aallotattho wi, “Muthooyo tti munasaahu, mmodda mwa abalaahu, oyo ari ni olamulello woonipwatha hiyaano.”

Aheberi 6:16

Athu voollupellani ennaromolla nnddina na mmodda oyo ari muullupalli waakhwaranya alliwa nave enallupella wi esimikizelle nnddo enallotiiwa apaalle wi ovaanyihananko omallelle vaavo.

Oweeruza 8:19

Gideoni ahaalleella wi, “Yaalle yaari asinnaka, anamwani awaamwa nipelle nimodda ni miyaano. Kinimallupella vamiitthoni va Mulluku wi, ‘Mwahiwiiphalleke miyaanottho ngaawiipheni.’ ”

2 Akorinto 1:23

Mulluku tti mbonaaka, annadduwella murimaaka! Kaaganiza wi kihihokollweellewo o Korinto wi kihivirellelle wuuvoriihani murima.

Rute 3:12

Ddawoona miyaano tti mbalaaye a muha mamuno koma ookhallavo mbalaayebalaaye okikhwaranya miyaano.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Rute 4:6

Vano mbalaayooyo aallota wi, “Ngiwora woopolla emateeyo wi ekhalle yaaka, woova wi kineerowoononga yoohallanaaka nave miyaano ni a munibanjani naka nineerohoowa. Mukulle nyuwaano, miyaano ngiwora.”