Rute 2:4 - Mawu a Mulluku

⁴ Vihinallekelle Bowazi aaphiya ovenyera o Betelehemu nave ahaallochella athu yahataalle voollotani wi, “Apwiya yuudaliseni!” Alliwa yahaakhulla wi, “Apwiya yuudaliseni nanyeene!”

Rute 2:4 ပူးပေါင်းရင်းမြစ်များ

2 Atesalonika 3:16

Ninaaveka Apwiya amurendelle yuuvaheni murendellooyo enthawi ddittheddene ni mutthemwene. Apwiya ekhalle ni nyuwaano attheene.

Luka 1:28

Mungeloolle aawa wa Mariya allota wi, “Mooni! Apwiya aaweerella echifundo nave eri ni weyaano!”

Oweeruza 6:12

Vano mungelo a Apwiya aamooneyella allota wi, “Apwiya eri ni weyaano, we muthu amasiva ni oollipa murima.”

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.

Masalimo 118:26

Oodalisiwa tti oyo anawa mu nnddina na Apwiya. Ninnudalisani ovenyera mu enyumba ya Apwiya.

Rute 4:11

Athu attheene yaari vamullakoni valle ni attekweenaalle yaallota wi, “Ee, hiyaano tti amboni. Mutthiyana oyo onaamutthelleewe, Apwiya emweerihe wi akhalle wonanko Rakele ni Leya, atthiyana ayo yamuyarele Yakobo anamwani anchichi. Weyaano okhalle muthu eeyuuma mu nlloko na Efurata nave okhalle muthu oovuwa mu etawoni ya Betelehemu.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

1 Timoteo 6:2

Nave ayo erina apwiiwa ookhulupilila, ehaavevulle kaambiiwa tti asinniwa ni arokoriwa. Koma yaarumeyelleke phaama kaambiiwa ayo enapindula ni mitteko ddiwa, alliwattho tti ookhulupilila ni ookondiwa. Onaphwanella waahuddihe ni waallipiha murima mu ddenndda.

Rute 2:3

Sika Rute aatimulla aya wawuurulla m'matani, aathwaraka vatulli athu ayo yahata. Vano mwa ekaraaye aaphiya m'matani mwa Bowazi oyo aari a munibanjani na Elimeleki.

Rute 2:5

Vano Bowazi aamukoha kapitawaaye oyo aawehera athu yahataalle wi, “Ethiyo mutthiyanoolla tti a nibanja niivi?”

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Numeri 6:24

“Apwiya yuudaliseni nave yuusungeni.

Oweeruza 6:16

Apwiya yaamulleella wi, “Mi kineerokhalla ni weyaano nave oneerewaagonjiha Amidiyani wonanko muthu mmodda.”

1 Samuele 17:37

Apwiya ayo yakivullusalle omikangoni ni o ezimbalangondo, aneerokivullusa wa Mufilistoolla.” Vano Saulo aamulleella Davide wi, “Khawe, Apwiya ekhalle ni weyaano.”

1 Epilli 2:51

Salima aamuyara Betelehemu navettho Harefi aamuyara Betegadere.

Masalimo 134:3

Apwiya yaphatusalle oddullu ni ellapo yavatthi, yuudalise ovenyera o Ziyoni.

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”