Rute 2:12 - Mawu a Mulluku

¹² Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Rute 2:12 ပူးပေါင်းရင်းမြစ်များ

Masalimo 36:7

Nyu Mulluku, echikondaanyu yoohisintheya tti yoowallamella mutengo, athu ennathawella m'muuthuuchini wa muuphellwaanyu.

Masalimo 91:4

Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Masalimo 63:7

Nyuwaano mookhalla nikavihero naka, sika kiniipa moohakallalla vatthi va muuphellwaanyu.

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

Masalimo 61:4

Kinapaalla kikhalle mpa mwanyu enthawi yoohimalla, Kinakhwella kiipitthe vatthi va muuphellwaanyu.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Aheberi 11:26

Aadduwella wi ohoowa ekaamba ya Mesiya* waari woopaalleya wunchichi ohiyana ni eyuuma ettheene ya mu Iguputo vawi atiyerella othuviwa.

1 Samuele 24:19

Ethiyo muthu amuphwanya mudanaaye annaakhullella wi mudanooyo avulluwe? Apwiya eweerelle ddaphaama ekaamba ya nndda okeerelleewe ollellonndda.

Rute 1:16

Koma Rute ahaakhulla wi, “Muhinakiwatihera wi kuuhiyeni apaalle wi kihuuthwareni. Nko munaayeenyu miyaanottho kinaaye wenko, nko munaakhallekeenyu miyaanottho kinaakhalleke wenko. Abalaanyu enaakhelle abalaaka nave Mullukwaanyu anaakhalle Mullukwaaka.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Aheberi 11:6

Khaavo anaamuhakallallihe Mulluku ahinna echikhulupililo vawi oyo anapaalla omwaatamella Mulluku akhallena echikhulupililo yawi Mullukooyo ookhallawo. Nave aneerewaathuva athu enamwaashaasha.

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

2 Timoteo 1:18

Apwiya emweerelle echifundo va nllapo noomallihanno. Nave onnadduwella phaama mmo aakikaviherelleeye o Efeso.

Mateyu 6:1

“Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Miyambo 23:18

Vawi oneerothuviwa nave yootiyeraawo khelepheleya.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Masalimo 58:11

Sika athu ellota wi, “Ddawoona, oolungama ennathuviwa, Mulluku ookhallawo oyo aneeruza ellapo yavatthi.”

Masalimo 19:11

Oorumeyellaanyu annahuddihiwa ni malamulwaanyu, vawaasungani annathuviwa wunchichi.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

Rute 2:11

Koma Bowazi ahaakhulla wi, “Ddittheddene okhanlleewe oweerellaka akogwawaawo kooddiiwa, waambeella enthawi eyo mamuno akhwilleeye. Kohiiwattho wi wohaahiya attiittho ni amaayo ni ellapo yoowaninyu nave woowa wa athu ayo wahaadduwelleewe ovenyera khalle.

Rute 2:13

Rute aallota wi, “Mookeerella echifundo yinchichi, apwiyaaka, mookikhurumusa murima nave moollota mwa echifundo ni miyaano naari miyaano kihiri mmodda a allupa muttekwaanyu aatthiyana.”

Rute 4:15

Mwaanooyo aneerewuuhakallallihani nave aneerewuupharani muwono mwaawuulluvallaka. Ddawoona mvokohaanyu oyo anuukondani, oyo uuyarelleni mwaana tti ookhwaranya anamwani aallopwana atthanu ni eelli.”

Yeremiya 31:16

Koma Apwiya enallota wi, “Maalla winllanko, hiya omoriha miitthori. Vawi oneerothuviwa moollikana ni mitteko ddawo, anaawo eneerokhumawo o ellapo ya adani.

1 Samuele 24:20

Vano ollello koodduwella wi oneerokhalla mwene nave omwene wa Aisraele oneerekokeraattheya m'mattani mwawo.