Rute 2:10 - Mawu a Mulluku

¹⁰ Vano Rute aakokhora, apopheya ekhovaaye vatthi nave aakoha wi, “Kaambiiwa tini mukeerelleenyu echifundo ni opwatha dda miyaano, mulleto?”

Rute 2:10 ပူးပေါင်းရင်းမြစ်များ

1 Samuele 25:23

Abigaile amoonilleeye Davide aakittha vabuluni vaye mwawaakuva iikuhella vatthi moopopheya ekhove vamiitthoni va Davide.

Rute 2:13

Rute aallota wi, “Mookeerella echifundo yinchichi, apwiyaaka, mookikhurumusa murima nave moollota mwa echifundo ni miyaano naari miyaano kihiri mmodda a allupa muttekwaanyu aatthiyana.”

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

Luka 1:48

vawi ookuupuwella miyaano, oorumeyellaaye oovevuwa! Waambeella ollello oya muhoollo athu attheene eneerokeera oodalisiwa,

Luka 1:43

Miyaano kiri aani wi ameewa a Apwiyaaka ekeetella?

2 Samuele 19:28

Vallethi athu attheene a munibanjani na attiitthaaka yaari oophwanella wiiphiwa ni nyu apwiyaaka amwene. Koma mi oorumeyellaanyu mwaakitthoolla wi kicheke nimodda ni nyuwaano. Vano ehanlle tti tini wi kuuvekeni mukeerelle echifundo, nyu amwene?”

2 Samuele 9:8

Mefibosheti aawarama allota wi, “Ethiyo mi oorumeyellaanyu kiri aani wi mukipwathe mi mwanapwa ookhwa?”

Mateyu 25:35

Vawi kaavolliwa ettalla nave mwaakichiha, kaavolliwa nthona nave mwaakivaha yoowirya, kaari mulleto nave mwaakaakhella m'mawaninyu.

Rute 2:2

Nllapo nimodda Rute aamulleella Naomi wi, “Mukaakhullelle wi kiye kamuurulle tirigu omata wa arive muthu oyo anaakeerelle echifundo.” Naomi aamulleella wi, “Khawe mwanaka.”

Genesis 18:2

Moohitiyerella ello aawoona athu araru yiimellille vakhuviru ni olliye. Awoonille, aatimulla mwawaakuva wi aallochelle. Aakokhora vatthi,

Rute 2:9

Oweheke emata enahatiweella nave waathwareke vatulli. Kohaalleella asombwaayo wi ehuukatamiheke. Vano waavolliwaka nthona oyeeke wawiryeke maaddi vaminoni dda maaddi ayo asombwaayo enaarikiiwa.”

Rute 2:11

Koma Bowazi ahaakhulla wi, “Ddittheddene okhanlleewe oweerellaka akogwawaawo kooddiiwa, waambeella enthawi eyo mamuno akhwilleeye. Kohiiwattho wi wohaahiya attiittho ni amaayo ni ellapo yoowaninyu nave woowa wa athu ayo wahaadduwelleewe ovenyera khalle.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

Rute 2:19

Naomi aamukoha wi, “Wuurulla wuuwi ollello? Mutteko yoolla wawuphara m'matani mwawani? Oodalisiwa akhalle muthu oyo aweerelle echifundo.” Rute ahaalleella akogwawaayaayo dda muthu oyo aphareeyewo mutteko, allota wi, “Muthooyo nnddina naye tti Bowazi.”

2 Samuele 7:18

Vano Davide aavollowa mumusasani wowaallapellamo Apwiya. Akeraatthi anavekella allotaka wi, “Nyu Apwiya Mulluku, mi kiri aani nave nibanja naka tti tini wi mooniphiyiha vaava?