Oweeruza 9:57 - Mawu a Mulluku

⁵⁷ Mulluku ahaahokollosella yoonanara athu a o Shekemu ekaamba ya onanara wiwa nave wahaamorella otembelela wa Yotamu, mwaana a Yerubaala.

Oweeruza 9:57 ပူးပေါင်းရင်းမြစ်များ

Oweeruza 9:20

Koma ddaarimi ddihiri ddiiddo, munllo okhume mwa Abimeleki waashellihe aneetthi attheene a o Shekemu ni athu a o enyumba ya Betemilo. Nave munllo okhume mwa aneetthi a o Shekemu navettho mwa athu a o Betemilo ni omushelliha Abimeleki.”

1 Mamwene 16:34

Mu olamulello wa mwene Ahabu, Hiyele a o Betele aamakattho muzinda wa Yeriko. Koma moollikana ni mmo yallotelle Apwiya oweella mwa Yoswa mwaana a Nuni, Abiramu mwaana awaamba aamullopwana a Hiyele aakhwa enthawi yoomaka matthipello a muzindooyo nave Segubu, ethwakwaaye, aakhwattho mvo yamakiiwa millako dda muzindooyo.

Oweeruza 9:45

Ekhotweeyo yaawaniwa nllapo nittheene. Abimeleki ahaakha muzindooyo awiipha athu attheene yaari mwemmo. Aawoononga muzindooyo awumidda mwiinyu.

Yoswa 6:26

Enthawi yeeyo Yoswa aallupella mowaatembelela wi, “Arive muthu oyo anaamakettho muzinda wa Yeriko atembeleliwa. Arive muthu oyo anaamake matthipellellwaaye, mwanaye awaamba aneerokhwa. Arive muthu anaamake millako ddaye, ethwakwaaye eneerokhwa.”

Oweeruza 9:24

Nndda ddaheereya wi ddimuhokollweelle nnddo aweerelleeye anamwani 70 a Yerubaala. Nave wi nikhame niwa nikhalle va Abimeleki, mbaliiwa oyo awiiphalle navettho wa athu a o Shekemu ayo yamullipihalle murima wi awiiphe abalaaye.

Oweeruza 9:56

Mmu tti mmo Mulluku aamuhokolloselleeye yoonanara Abimeleki aweerelleeye attiitthinnya voowiiphani abalaaye 70.

Oweeruza 10:1

Akhwille Abimeleki vaavenya muthu mmodda wi aavulluse Aisraele. Olliyoolla aari Tola mwaana a Puwa edduullu ya Dodo, a nlloko na Isakara oyo akhalla o Shamiri ellapo yamiyaango ya Efuremu.

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

2 Samuele 3:39

Vano ollello kookhumuwa wunchichi naari kiri mwene oozoziwa.* Athu yaalla, anamwani a Zeruya, aakiramiha yaweera. Apwiya emuhokolloselle muthu aweera ddoonanara moollikana ni onanara waye.”

Masalimo 7:17

Miyaano kineeromuthokoza Mulluku Amasiva Mattheene, ekaamba ya echilungamwaaye. Kineerewiipa machipo owaatitimiha Apwiya, Amasiva Mattheene.

Masalimo 94:23

Aneerewaahokollosella ddoonanara ddiwa, aneerowoononga ekaamba ya machimwiiwa. Ddawoona, Apwiya Mullukwaahu, eneerewaatthollosa.

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Yesaya 3:11

Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.