Oweeruza 8:5 - Mawu a Mulluku

⁵ Vano ephiyalle va Sukoti, Gideoni ahaaveka athu amodda wenko wi, “Pepaani avaheni buledi athu ayo eri ni miyaanwaalla vawi aatopa wunchichi. Ninamwiikariha Zeba ni Zalimuna, mamwene a Midiyani.”

Oweeruza 8:5 ပူးပေါင်းရင်းမြစ်များ

Genesis 33:17

Koma Yakobo aaya o Sukoti, nipuro noohiyana ni nko waari Esau nave aamakawo enyumbaaye ni makholla a eziweto ddaye. Sika kaambiiwa nipuronna yaaniromolla Sukoti.

Masalimo 60:6

Mulluku ari onipuroni naye naweella, oolonjeza wi, “Kineerewuukawellani ellapo ya Shekemu moohakallalla, kineerewuuphadderani malire mu ntapo na Sukoti.

1 Samuele 25:18

Vano Abigaile mwawaakuva aakusa mitthi dda buledi 200, mathumba anttapara a vinyo meelli, enkhosa dditthanu ddawoosawoosa, makilogramu 17 a tirigu awaarika, mpesa wawumma wookwakhwana matta 100 owaaka makeke a namukuyu 200. Aadditukhulliha ddittheddenennddo va abulu.

Deuteronomo 23:4

Alliwaalla kheyuuvahilleni yoocha apaalle maaddi va olendwaanyu woovenyera o Iguputo. Nave yaamwiithaniha Balamu, mwaana a Beori, a o Petori o Mesopotamiya wi uutembeleleni.

Genesis 14:18

Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo.

Oweeruza 8:10

Enthawi yeeyo Zeba ni Zalimu yaari eri o Karikori ni akhotwiiwa, ayo yaari athu vakhuviru 15,000. Alliwaalla tti akhoto ayo yahanlle mwa akhoto oovenyera wookhuma nndduwa vawi akhoto 120,000 yaari ekhwille.

Oweeruza 8:12

Zeba ni Zalimuna yaathawa koma Gideoni aawiikariha aaphara mamwene meelli a Amidiyanaayo aasimelliha akhotwiiwa attheene.

Oweeruza 8:15

Vano Gideoni aawa wa athu a o Sukoti allota wi, “Athwaalle tti alla, Zeba ni Zalimuna, alle mwakillotelleenyu wi, ‘Ethiyo Zeba ni Zalimunaayo wohaagonjiha khalle onalloteewe wi naavahe yoocha vawi aatopa wunchichi?’ ”

Oweeruza 5:23

Mungelo a Apwiya aallota wi, “Omutembelele Merozi, waatembelele wunchichi aneetthaaye, vawi kheyaawiille wi yaakavihere Apwiya, voollipanani ni adaniiwa amasiva.”