Oweeruza 8:3 - Mawu a Mulluku

³ Mulluku ahaavelleella m'mattani mwanyu mamwene a Midiyani, Orebu ni Zebu. Vano miyaano keerille tini voophwanaphwanihani ni nnddo mweerilleenyu?” Gideoni allotille ddenndda, athwaayo mirima ddiwa ddaakeraattheya.

Oweeruza 8:3 ပူးပေါင်းရင်းမြစ်များ

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

Aroma 12:6

Nookhalla ni emphaso ddoohiyanahiyana moollikana ni echisomo eyo Mulluku anivahilleeye. Sika emphaswaahu yakhalla yoollotella mawu a Mulluku nillotelleke moollikana ni echikhulupililwaahu.

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

Yohane 4:37

Yoollotiwa yeella tti yawoona yawi, ‘Awaalla tti mmodda, oohata tti mmoddattho.’

Miyambo 25:15

Ovillella sika onamugonjiha oolamulella nave woollowa muwano onnakhurumusa ddookatamiha.

Miyambo 25:11

Mawu oollotiwa phaama tti wonanko yooreera ya golide mu echipangizo ya siliva.

Miyambo 16:32

Muthu oohisha murima mwawaakuva annamukhwaranya akhoto nave oyo anawuphara murima annamukhwaranya awaakha muzinda.

Masalimo 115:1

Wa hiyaano iyaayi, Apwiya, wa hiyaano iyaayi, koma nnddina nanyuve nititimihiwe, ekaamba ya echikondi yoohisintheya ni oororomelleya.

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Oweeruza 8:2

Olliye aawaakhulla wi, “Keerille tini voophwanaphwanihani ni nnddo mweerilleenyu? Ethiyo mweerille nyu Aefuremu kheddihiyo dduullupalli okhwaranya nnddo yeerille a nlloko na Abiyezere?

Oweeruza 8:4

Enthawi yeella Gideoni ni athu 300 ayo aariiyena yaaphiya o Yordani ellapuwa muhinje etopille wunchichi koma yaavirellella owiikariha adaniiwa.