Oweeruza 7:2 - Mawu a Mulluku

² Apwiya yaamulleella Gideoni wi, “Athu oriiwenaalla aakaatella wi kaagonjihe Amidiyani, ekaamba yawi Aisraele eneerokivevulla miyaano voollotani wi, ‘Niivullusalle ni masivaahu.’

Oweeruza 7:2 ပူးပေါင်းရင်းမြစ်များ

Deuteronomo 8:17

Vano muhiganizeke wi masivavaanyu ni ekophollo ddanyu sika dduuvahilleni eyuuma.

2 Akorinto 4:7

Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

Aroma 11:18

Sika muhaavevulleke ayo yinttakeye wonanko enthambi. Mwaawiitukhullaka, muupuwelleke wi khamuhiyo nyuwaano munaphareella misisi koma misisi sika ddinuuphareellani nyuwaano.

Aefeso 2:9

Muthu khanavullusiwa ekaamba ya mitteko ddaye woova wi anaakoteke.

Zekariya 12:7

“Apwiya enaambe ovullusa misasa dda Yuda wi eyuuma ettheene ya nibanja na Davide ni ya athu a o Yerusalemu ehikhwaranye ya Yuda.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Ezekiele 28:17

Waaniitukhulla ekaamba ya oreera wawo, waananariha ezeru ddawo ekaamba yoopaalla okhalla oovuwa. Vano kahuuvokhella vatthi wi okhalle echisanzo wa mamwene mamodda.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”

Aroma 3:27

Vano ninitukhullelle tini? Khayiivo! Nave kaambiiwa tini? Apaalle tti kaambiiwa ninniiwellella malamulo? Khe ddiiddo! Koma tti kaambiiwa ninnakhulupilila.

Habakuku 1:16

Ennaallapellattho mathaviiwa ni waaheraatthella mukutho ekaamba yawi ennaavaha erive ello yaphaama, ennaachiha ni waavoniha ddaphaama.

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Yesaya 10:13

Vawi mwenooyo anallota wi, “Keerille ddenndda ni masivaaka navettho ni ezeru ddaka vawi kinniiwesesa. Koosusa malire a mitundu dda athu nave kohaakha eyuumiiwa vawi kohaakitthiha ayo yaari va mipando dda omwene.

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Yesaya 2:11

Wiitukhulla wa athu oneeromalla nave okota wa athu oneerewoonongiwa. Apwiyave sika enaariihiwe nllapo nenno.

Deuteronomo 8:18

Muupuwelleke nave muhaatiwalle Apwiya Mullukwaanyu wi sika enuuvahani masiva ookhallella ni eyuuma wi yoonihe ororomelleya wiwa ophiyera ollello va echipanganwiiwa eyo yallupenlliiwa ni makhollwaanyu.

Genesis 46:2

Mahiiyu Mulluku aamooneyella Yakobo nave aallota wi, “Yakobo, Yakobo!” Olliye ahaakhulla wi, “Ee Apwiya.”

Numeri 31:4

Mwaarumihe okhotoni athu 1,000 ovenyera mu nirive nlloko na Aisraele.”