Oweeruza 7:12 - Mawu a Mulluku

¹² Amidiyani ni Aamaleke ni athu oovenyera wookhuma nndduwa yaaddalla mutapo mutthemwene wonanko nazombe ekaamba ya waata wiwa. Nave ekamira* ddiwa ddaari ddawaata wonanko mihava dda mukhwipi mwa enyanja.

Oweeruza 7:12 ပူးပေါင်းရင်းမြစ်များ

Oweeruza 8:10

Enthawi yeeyo Zeba ni Zalimu yaari eri o Karikori ni akhotwiiwa, ayo yaari athu vakhuviru 15,000. Alliwaalla tti akhoto ayo yahanlle mwa akhoto oovenyera wookhuma nndduwa vawi akhoto 120,000 yaari ekhwille.

Oweeruza 6:5

Yaanawa ni eng'ombe ddiwa ni misasa ddiwa. Yaanawa anchichi wonanko middope nave waari woohiworeya oweerenga athwaayo ni ekamira* ddiwa nave yaanayoononga ellapweeyo yaawaaka.

Oweeruza 6:3

Aisraele yaalla mmiddo ddiwa, Amidiyani ni Aamaleke ni athu a wookhuma nndduwa, yaanawa enawanana ekhoto.

Yoswa 11:4

Mamwenaayo yaawa ni akhotwiiwa attheene nave waata wiwa wa akhotwaayo waari wonanko mihava dda mukhwipi mwa enyanja. Yaakhalla ni akavalo ni magareta manchichi.

Masalimo 33:16

Mwene khanavulluwa ekaamba ya wunnuwa wamullokwaaye wakhoto, akhoto khenavulluwa ekaamba ya waata wa masiva.

Masalimo 3:1

Nyu Apwiya, adanaaka tti anchichi, athu anchichi ennakiwukila.

1 Mamwene 4:30

Solomoni aakhalla ni ezeru waakhwaranya athu attheene a wookhuma nndduwa ni dda attheene a o Iguputo.

Oweeruza 6:33

Vano Amidiyani ni a Aamaleke attheene ni athu attheene a wookhuma nndduwa, yaatthukumana nave ellapuwalle muhinje wa Yordani, yaatthipella misasa dda athu akhoto mu ntapo na Yezireele.

Oweeruza 7:13

Vano ephiyalle vakhuviru yaamwiiwa muthu mmodda amutthopoollellaka mukhwaaye nnddo allohilleeye. Aallota wi, “Mi koolloha. Kahoona mwitthi wa buledi a barele ophikireyaka, okitthella omisasani dda Amidiyani nave waaphiya woopana ni musasa mmodda opwanyuwavo.”

1 Samuele 30:17

Vano Davide ni athwaaye yaawanana ekhoto waambeella ohinase ophiyera misikuwa. Khaavo mwa Aamaleke naari mmodda avulluwalle waapatula athu 400 ayo yawenlle ekamira* ddiwa ethawa.

Yeremiya 46:23

Eneerewuuha otthako wa o Iguputo naari ophimpe, kaambiiwa athwaayo yaatille wonanko nazombe, tti ooheerengeya.

1 Samuele 13:5

Vano Afilisti yaatthukumana wi ewaneke ni Aisraele. Yahaatthukumaniha magareta akhoto 30,000, oowella va akavalo 6,000 ni akhoto awaata wonanko mihava dda mukhwipi mwa enyanja. Yaaya yamakaka misasa ddiwa o Mikimashi, wookhuma nndduwa wa Betaveni.

1 Mamwene 20:27

Athu a o Israele yaatthukumana nave yahaakhella ddoopaalleya, eya woowana ni Asiriya. Sika yaatthipella misasa ddiwa ddakhoto moowehana ni Asiriya nave ddooneya wonanko milloko miilli dding'onong'ono ddapuri, mvo Asiriya yaddanlliiwa echigawo ettheeneeyo.