Oweeruza 5:6 - Mawu a Mulluku

⁶ Va enthawi ya Shamigara mwaana a Anati, va enthawi ya Yaele, m'misewuni khemweetiwa, alleto yalambalala mu asimisewu amukhwipi.

Oweeruza 5:6 ပူးပေါင်းရင်းမြစ်များ

Yesaya 33:8

M'misewuni dduullupalli muri ellapo tuu vawi khaavo aneetamo. Ezipangano ddootathilliwa, amboni yoovevulliwa navettho khawiivo ovahana olemu.

Oweeruza 3:31

Akhwille Ehudi, vaawa Shamigara, mwaana a Anati, oyo awiiphalle Afilisti 600 ni ekopo yoottotthella eng'ombe. Nave olliyoottho ahaavullusa Aisraele.

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

Levitiko 26:22

Kineerewuurumihellani enama ddawoopiha ddamuhakani nave ddineerowoonongellani aniinyu owaaka eng'ombe ddanyu. Enama ddawoopiha dda muhakaninnddo ddineeroyeviha waata wanyu sika vano mu ettilla ddanyu khamuviraka athu.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Maliro 4:18

Athu yaananithwara manyallo, khenaaworattho weeta m'misewuni ddahu. Mallapwaahu yaanayeva, okhwa wahu wahaatamella, omalla wahu waaphiya.

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

2 Epilli 15:5

Enthawi yeeyo khewaari murendelle wa oyo akhuma apaalle ovollowa vawi ddookatamiha ddahaamorella athu attheene yakhalla mwiillaponi.

Oweeruza 5:7

Athu yaathawa m'matawoni mwiwa, matawoni yaamaalla mu Israele, ophiyera ophiyalle, Debora, waphiyalle wonanko moowe a Israele.

Yeremiya 6:25

Nihaaheye oya omata apaalle weeta vamusewuni vawi adani enimawa ni ekhoto nave nohaapheelliwa ni ddawoopiha.”