Oweeruza 4:16 - Mawu a Mulluku

¹⁶ Baraki ahaathwara magareta ni akhotwaayo aphiya o Harosheti Goyimu nave akhoto attheene a Sisera yahiiphiwa ni nsupada. Khaavo naari muthu mmodda oyo avulluwalle.

Oweeruza 4:16 ပူးပေါင်းရင်းမြစ်များ

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Aroma 2:12

Athu ayo ehiri Ayuda khenna malamulo a Mose yaachimwaka nave eneerewoonongiwa naari ehinna malamulwaayo. Ayuda aakhalla ni malamulo yaalla yaachimwaka nave eneeruziwe ni malamulo yaayo.

Yesaya 43:17

Yaatthukumaniha magareta ni akavalo, mulloko wakhoto ni akhoto amasiva. Attheenaayo yaahiikuha oohivenyattho, yaathiimihiwa ni omalla wonanko ntthupu.

Masalimo 104:35

Oochimwa yoonongeye va ellapo yavatthi, athu oonanara ehikhallevottho. Atitimihe Apwiya, we murimaaka, atitimihe Apwiya!

Masalimo 83:9

Muweere nnddo mwaweerenlleenyu Amidiyani, Sisera ni Yabini o muhinje wa Kishoni,

Yoswa 11:8

Apwiya yahaavelleella m'mattani mwa Aisraele wawi yahaahella ekhoto ewiikariha yaphiya ompoto wa Sidoni muullupalli ni o Misirefoti Maimu navettho wookhuma nndduwa yaphiya o ntapo na Mizipa. Yaawiipha attheenaayo, khaavo naari muthu mmodda avulluwalle.

Eksodo 14:28

Nave maaddaayo yaakumanella, emirya magaretaalle ni oowella va akavalwaayo, mulloko muttheene wa akhoto a Farao olle waathwara Aisraele. Khaarivo naari mmodda avulluwalle.

Oweeruza 4:2

Vano Apwiya yahaavelleella m'mattani mwa Yabini, mwene a o Kanani oyo alamulella etawoni ya Hazori wi aagonjihe. Oohoollella a akhotwaaye ari Sisera oyo akhalla o Harosheti Goyimu.

Oweeruza 4:17

Koma Sisera aathawa eetaka vatthi aphiya omusasani wa Yaele mwaara a Hebere Mkeni vawi vaakhalla murendelle variyari va Yabini, mwene a o Hazori ni nibanja na Hebere Mkeni.

Yoswa 10:10

Apwiya yaaweeriha adanaayo wi yoove yawoonilliiwa akhoto a Aisraelaalle. Aisraele yahaagonjiha Aamori o Gibiyoni. Yaawiikariha okittha mwaango wa o Betehoroni ni owiipha ophiya o Azeka ni o Makeda.

Masalimo 83:10

ayo yoonongiwe o Endori ni waatthattusa manyowa muthayani.