Oweeruza 3:7 - Mawu a Mulluku

⁷ Aisraele yaheerattho ddoonanara vamiitthoni va Apwiya. Yahaatiwalla Apwiya Mullukwiiwa, enarumeyella mafano a Abaala ni Asherimu.

Oweeruza 3:7 ပူးပေါင်းရင်းမြစ်များ

Eksodo 34:13

Mwakumulle makuwiiwa, moononge mallukwiiwa oopatuleya nave mwakakathe mafanwiiwa a Asherimu.

2 Mamwene 23:6

Aavenyiha nifano na Asherimu mu enyumba ya Apwiya, ayaana otte wa Yerusalemu o muhinje wa Kidroni. Aanoosella wenko, anisillasilla ni otathilla ntuura niwa va mahame a athu shisha.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

2 Epilli 33:3

Manase aamakattho mapuro oollapellamo mafano, ayo attiitthinnya Hezekiya yawoonongelliiwa. Aammakella Baala makuwa, aapanga mafano a Asherimu. Nave aanallapella ni orumeyella etheneeri.

2 Epilli 24:18

Vano yaahiya enyumba ya Apwiya, Mulluku a makhollwiiwa enarumeyella mafano a Asherimu. Sika osha murima wa Apwiya waaphiya va athu a o Yuda ni Yerusalemu ekaamba ya ochimwa wiwa.

2 Epilli 15:16

Mwene Asa ahaavenyiha omwene amunne, Maaka ekaamba yawi yaapanga nifano na Asherimu. Olliye aanoononga nifanonno anipwesa, anoosa o ntapo na Kidroni.

2 Mamwene 23:14

Aakumullattho apoto oopatuleya ni mafano a Asherimu mattheene nave va mapuro viwa aamwaravo makhuva a athu ookhwa.

1 Mamwene 18:19

Sika vano rumihani othenga wi mwaatthukumanihe Aisraele wi kakumanena va mwaango wa Karimele. Muweena anamallotella a Baala 450 ni anamallotella 400 a Asherimu ayo enacha wa Yezebele.”

1 Mamwene 16:33

Nave Ahabu aapangattho nifano na Asherimu. Ahabu aheera ddinchichi ddoollika osha murima wa Apwiya Mulluku a Aisraele okhwaranya mamwene mattheene a o Israele ayo yaarivo khalle.

Oweeruza 6:25

Mahiiyu vaavo Apwiya yaamulleella Gideoni wi, “Okuse eng'ombe yaamullopwana, yaneepiilli, yamiyakha mitthanu ni miilli, yaattiittho. Nave wakumulle nikuwa na Baala nno attiittho eriiwana. Wakuhevo nifano na Asherimu nno niri vakhwipi va nikuwanno.

Oweeruza 3:12

Aisraele yaheerattho ddoonanara vamiitthoni va Apwiya. Sika Apwiya yaamuvaha masiva Egiloni, mwene a o Mowabu wi aagonjihe Aisraele kaambiiwa alliwaayo yaheera ddoonanara vamiitthoni va Apwiya.

Deuteronomo 16:21

“Muhiimese mafano a Asherimu vakhwipi va nikuwa na Apwiya Mullukwaanyu nno munaamakeenyu.

Deuteronomo 4:9

Sika muchenjere! Mooneseseke wi muhitiwalleke ddenndda mu okumaanyu muttheene nave mwaahuddihe ddenndda aniinyu ni edduullu ddanyu.

2 Epilli 34:7

Nave yaakumullattho makuwa epwesa mafano a Asherimu ni mafano ophiyera odditthattusa nthupi nave yaakumulla makuwa mattheene awoosellavo lubani mu Israele mutthemwene. Sika mwene aahokollweella o Yerusalemu.

2 Epilli 34:3

M'muyakha waneetthanu ni raru wa omwenaaye, ari musombwe ahaamba omullapella Mulluku a Davide nikhollo naye. M'muyakha waneekhumi ni piilli ahaamba ovenyihamo mapuro oollapellamo mafano ni mafano a Asherimu o Yuda ni o Yerusalemu. Aavenyihamottho mafano oosema ni amikoko.

Oweeruza 3:8

Ekaamba ya yeella Apwiya yahaashella murima Aisraelaayo, emweeriha Kushani Rishataimu, mwene a o Mesopotamiya wi aagonjihe Aisraelaayo. Sika Aisraelaayo yaamurumeyella mwene Kushani Rishataimu wa miyakha mitthanu ni miraru.

Oweeruza 8:34

Aisraele kheyaawuupuwelle Apwiya Mullukwiiwa, ayo yaavullusalle wa adaniiwa attheene oowaapheella.

1 Samuele 12:9

Koma makhollwaanywaayo yahaatiwalla Apwiya Mullukwiiwa. Nave Apwiya yaamuvaha ekari Sisera, oohoollella a akhoto a muzinda wa Hazori wi awiiphe. Yahaavahattho ekari Afilisti ni mwene a o Mowabu wi ewiiphe. Adani attheenaayo yaawana ekhoto ni makhollwaanyu.

1 Samuele 12:10

Vano alliwaayo yaavekella wa Apwiya wi, ‘Hiyaano noochimwa kaambiiwa nohuuhiyani nyu Apwiya, ninarumeyella mafano a Baala ni Ashitaroti. Koma vano nivulluseni wa adanaahu nave nineerewuurumeyellani.’

Masalimo 106:7

Makhollwaahu yaariiwa o Iguputo, kheyaapwathille ddoottikhiniha ddanyu. Kheyaawuupuwelle wunnuwa wa echikondaanyu yoohisintheya, koma yaamuwukila Mulluku Amasiva Mattheene o Enyanja Yoofiira.

Yeremiya 23:27

Anamallotellaalla enaganiza wi athwaaka eneerokitiwalla vawiiwani ddoollohannddo wonanko mmo makhollwiiwa yatiwallelliiwa voomullapellani Baala.

Deuteronomo 8:11

“Upuwellani nave muhaatiwalleke Apwiya Mullukwaanyu nave muhilepheleke owiiwellella malamulo ni malangizwiiwa mattheene ayo kinawinnyeemini ollello.

Deuteronomo 8:14

muhiitukhulleke ni waatiwalla Apwiya Mullukwaanyu ayo yuukhumihalleni wuukaporoni o Iguputo.

Deuteronomo 8:18

Muupuwelleke nave muhaatiwalle Apwiya Mullukwaanyu wi sika enuuvahani masiva ookhallella ni eyuuma wi yoonihe ororomelleya wiwa ophiyera ollello va echipanganwiiwa eyo yallupenlliiwa ni makhollwaanyu.

Oweeruza 8:33

Akhwille Gideoni, Aisraele yahaambattho ollapella milluku dda Baala nave yaamutthattusa Baala a o Beriti akhalla mullukwiiwa.

Masalimo 106:35

Koma yaattakanyiherana ni mitundu ddimoddannddo ehuddera makhallellwiiwa oonanara.

Masalimo 106:36

Yaarumeyella mafanwiiwa ayo yatthattuwalle musampha.