Oweeruza 3:3 - Mawu a Mulluku

³ Millokonnddo tti mamwene matthanu a Afilisti, Akanani attheene, Asidoni attheene ni Ahivi ookhalla m'miyaangoni dda Lebanoni, waambeella omwaangoni wa Baala Heremoni ophiya o mpata wa Hamati.

Oweeruza 3:3 ပူးပေါင်းရင်းမြစ်များ

Yoswa 13:3

(ellapo yeella yaambeelle omuhinjeni wa Shihori wookhuma nndduwa wa Iguputo ophiyera omalireni wa Ekeroni ompoto. Ellapo ettheeneeyo yaari m'mattani mwa Akanani. Oolamulella ellapo ya Afilisti akhalla o Gaza, o Ashidodi, o Ashikeloni, o Gati ni o Ekeroni) ni ellapo ya Avimu,

Yoswa 13:5

Navettho ellapo ettheene ya Agebala ni ya Lebanoni wookhuma nndduwa ovenyera o Baala Gadi vatthi va mwa mwaango wa Heremoni ophiya o Hamati.

1 Samuele 29:2

Mamwene a Afilisti yahoonlliiwa ni akhoto m'millokoni dda athu 100 ni m'millokoni dda athu 1,000, Davide ni athwaaye yahanlle mutulli ni Akishi.

1 Samuele 13:5

Vano Afilisti yaatthukumana wi ewaneke ni Aisraele. Yahaatthukumaniha magareta akhoto 30,000, oowella va akavalo 6,000 ni akhoto awaata wonanko mihava dda mukhwipi mwa enyanja. Yaaya yamakaka misasa ddiwa o Mikimashi, wookhuma nndduwa wa Betaveni.

1 Samuele 6:18

Maphwanaphwaniho a amuthoro agolide yahaavelleella moollikana ni echiwerengero ya mizinda dda Afilisti nndde ddaari dda mamwene matthanwaalle. Ddimodda ddaakhalla ni mipanda, ddimodda khaddaarina. Nlluku nuullupalli nne vahiyiwe nibokosi na echipanganonne, m'matani mwa Yoswa o Beteshemeshi, nookhallavove ophiyera ollello.

Oweeruza 18:7

Vano athu atthanwaalle yaavenyawo yaphiya o Laishi, ewoona athu ayo yakhalla wenko, edduwella wi athwaayo kheyaarina yowaakatamiha wonanko mmo yakhallella Asidoni. Yaari athu oomaalleya ni oohirurumuwa, oohipaalla erive ello navettho yaari athu eeyuuma. Yahoona wi athwaayo yaanakhalla wuuteete ni Asidoni nave wi kheyeetellana ni athu amodda.

Oweeruza 14:4

Attiitthinnya ni amennyaayo kheyaadduwella wi ddennddo ddaari ddoovenyera wa Apwiya vawi Apwiya yapaalla ephwanye mpata woowanella ni Afilisti. Enthawi yeella Afilisti sika yaalamulella Aisraele.

Oweeruza 10:12

Asidoni, Aamaleke ni Amaoni yahuunyingallellani. Mwinlleelle wa miyaano wi kahuuvullusani m'mattani mwiwa.

Oweeruza 10:7

Vano Apwiya yahaashella murima nave yahaavelleella m'mattani mwa Afilisti ni Aamoni.

Oweeruza 4:2

Vano Apwiya yahaavelleella m'mattani mwa Yabini, mwene a o Kanani oyo alamulella etawoni ya Hazori wi aagonjihe. Oohoollella a akhotwaaye ari Sisera oyo akhalla o Harosheti Goyimu.

Yoswa 19:28

Ebdoni, Rehobu, Hamoni ni Kana yaphiya o Sidoni muullupalli.

Yoswa 11:3

Aarumihattho mawu wa Akanani a wookhuma nndduwa ni woovollowa nndduwa, wa Aamori, wa Ahiti, wa Aperezi ni wa Ayebusi o ellapo yamwaango, ni wa Ahivi ayo yakhalla museresere mwa mwaango wa Heremoni mu ellapo ya Mizipa.

Deuteronomo 3:9

(Asidoni yawuromolla mwaango wa Heremoni wi Sirioni koma Aamori yawuromolla wi Seniri).

Deuteronomo 1:7

Timullani muye o ellapo yamiyaango ya Aamori ni otthewene nko onakhalla akhwiiwa a Aamoraayo monga o ntapo na Araba, o miyaango ni o ntapo, ohito ni omwera, mukhwipi mwa Enyanja Yuullupalli, o ellapo ya Akanani ni Alebanoni ophiya o muhinje muullupalli wa Yufurate.

Numeri 34:8

Ovenyera o mwaango wa Hori mulembelele malire ophiyera voovollowella mu Hamati nave wookomella maliraayo okhalle o Zedadi.

Numeri 13:29

Aamaleke enakhalla mu echigawo ya omwera. Ahiti, Ayebusi ni Aamori enakhalla mu echigawo yamiyaango. Akanani enakhalla museresere mwa enyanja ni museresere mwa muhinje wa Yordani.”

Genesis 49:13

“Zebuloni anaakhalleke mukhwipi mwa enyanja, madokwaaye eneerokhalla mapuro a echombo, ellapwaaye eneerophiya o Sidoni.”

Yoswa 9:7

Koma Aisraele yaawaakhulla Ahivi wi, “Apaalle owaninyu tti mukhuviru mwemmu. Vano ninaapangane mwawiidde?”

Yoswa 11:19

Khawiivo naari muzinda mmodda oyo wapanganne dda murendelle ni Aisraele, opatula Ahivi ayo yakhalla o Gibiyoni. Koma amodda attheene aari aagonjihalle ni ekhoto.

Oweeruza 3:2

Apwiya yaheera ddenndda wi ehuddiheke orive mbado wa Aisraele dda owana ekhoto, ottepesesa ayo yahiyidduwelle ekhoto ovenyera khalle.

1 Samuele 6:4

Nave yaakoha wi, “Ethiyo mukutho wookhululukella ddoochimooyo okhalle wawiidde?” Alliwa yahaakhulla wi, “Okhalle maphwanaphwaniho a golide a etthuku dditthanu ni amuthoro atthanu, moophwanaphwana ni mamwene a Afilisti. Vawi mullilli yoolla waari va nyuwaano nave va mamwenaanyu.

1 Samuele 6:16

Mamwene matthanu Aafilistaalle yaanoona ddittheddenendda. Nave yaahokollweella o Ekeroni nllapo nenno.

2 Samuele 24:7

Vano yaaphiya ompandani wa Tiro ni o mizindani ddittheddene dda Ahivi ni Akanani. Ddimanlle nndda, yaavenyewo wenko yaphiya o Beeresheba, omwera wa ellapo ya Yuda.

1 Mamwene 8:65

Sika enthawi yeeyo Solomoni aakeraatthiha ehakallallo vamodda ni Aisraele attheene. Waari mutthukumano muullupalli ovenyera woovollowella wa Hamati ophiya o ntapo na Iguputo. Ehakallallweella yaari yowaatitimiha Apwiya Mullukwaahu mallapo matthanu ni meelli.

Ezekiele 47:20

“Malire a woovollowa nndduwa ekhalle o Enyanja Yuullupalli ophiya o mapuro oowehana ni mullako wa Hamati. Yeella sika embali ya woovollowa nndduwa.

1 Mamwene 9:20

Athu a mitundu ddimodda ayo yahiri Aisraeli yahanlle yaari Aamori, Ahiti, Aperezi, Ahivi ni Ayebusi.