Oweeruza 2:12 - Mawu a Mulluku

¹² Alliwaayo yahaahiya Apwiya Mulluku a makhollwiiwa ayo yaakhumihalle mu ellapo ya Aiguputo. Yaathwara milluku ddimodda dda athu oowaapheella nave yaanaddillapella. Nave yahaashiha murima Apwiya.

Oweeruza 2:12 ပူးပေါင်းရင်းမြစ်များ

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Deuteronomo 29:25

Waakhulla wa okoha ottheenenngu onaakhalle wawi, ‘Ekaambiiwa tti yawi yaatathilla echipangano eyo yakeraatthihalliiwa ni Apwiya Mulluku a makhollwiiwa enthawi eyo yaakhumihalliiwa o Iguputo.

Deuteronomo 13:5

Koma mumwiipheke arive namallotella apaalle arive oottaphullella olloha oyo anuulleellani wi mwaawukile ni oweerihani wi muhiye ettilla dda Apwiya Mullukwaanyu ayo yuukhumihalleni o Iguputo ni owoopollani o ellapo ya okaporo. Sika muvenyihekevo yoonanara variyari vanyu.

Deuteronomo 29:18

Moonesese wi vihikhalle oorukunuwa murima wi aahiye Apwiya Mullukwaanyu naari mullopwana, mutthiyana, nibanja apaalle nlloko mwa attheenenyu ni waamba ollapella milluku ddimodda. Weera ddiidda onaphwanaphwana ni musisi wooyara nttipwi ni echipaso yoowaawa.

Deuteronomo 5:9

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Oweeruza 5:8

Athu yatthoonlliiwa milluku ddimodda, ekhoto yaaphiya mwiillaponi. Mwa athu 40,000 mu Israele, ttaani atukhullalle yoomuteteza apaalle nivaka?

Deuteronomo 33:17

Yosefe ookhalla ni masiva wonanko nankhoro a eng'ombe, manyakaaye tti wonanko a enari, manyaka awiikarihella mitundu ddimodda, oddiikarihella woomallihella wa ellapo. Manyakaaye tti akhoto ooheerengeya a Efuremu, navettho akhoto anchichi a Manase.”

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

Oweeruza 8:33

Akhwille Gideoni, Aisraele yahaambattho ollapella milluku dda Baala nave yaamutthattusa Baala a o Beriti akhalla mullukwiiwa.

Oweeruza 10:11

Apwiya yahaakoha Aisraele wi, “Ethiyo ngaawuuvullusalleni wa Aiguputo, Aamori, Aamoni ni Afilisti?

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

Masalimo 106:36

Yaarumeyella mafanwiiwa ayo yatthattuwalle musampha.

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Eksodo 13:14

Muhoollo, aniinyu yuukohani wi, ‘Ethiyo ddenndda ddinattaphullella tini?’ Vano nyuwaano muwaakhulle wi, ‘Apwiya yaanikhumiha o Iguputo, mu ellapo ya okaporo ni nnatta niwa namasiva.

Eksodo 13:16

Yeella enaakhalle yawuupusella, wonanko echizindikiro yoomakiwa va nnatta nanyu apaalle vayuuchini vanyu kaambiiwa Apwiya yaanikhumiha o Iguputo ni nnatta niwa namasiva.”

Deuteronomo 4:25

“Naari mwakhalla mwiillaponimmo enthawi yoorekama ni waayara anamwani ni edduullu muhiwe muhollowa voopangani nifano na erive mooneyello ni weera ddoonanara vamiitthoni va Apwiya Mullukwaanyu nave sika ddineerewaashiha murima.

Deuteronomo 6:12

muhiwe mwaatiwalla Apwiya ayo yuukhumihalleni o Iguputo, o okaporo.

Yeremiya 16:11

Vano weyaano waakhulle wi, ‘Ekaambiiwa tti yawi makhollwaanyu yaakihiya mi Apwiya. Yaathwara milluku ddimodda enaddirumeyella ni oddillapella. Yaakihiya miyaano nave kheyiiwellenlle malamulwaaka.