Oweeruza 2:1 - Mawu a Mulluku

¹ Mungelo a Apwiya aaya o Bokimu ovenyera o Giligala. Nave ahaalleella Aisraele wi, “Kahuukhumihani mu ellapo ya Iguputo ni wuuvollochihani mu ellapo eyo kallupenlleemi wi kineerewaavaha makhollwaanyu. Kaallota wi, ‘Ngiwa kitathilla echipanganwaaka ni nyuwaano.

Oweeruza 2:1 ပူးပေါင်းရင်းမြစ်များ

Levitiko 26:42

Kineerewuupuwella echipanganwaaka ni Yakobo, Isaki ni Abrahamu nave ellapweeyo kineeroyuupuwella.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 23:20

“Kineeromurumiha mungelwaaka vahoollo vanyu wi uutetezeni mu ettilla ni wuuphiyihani onipuroni nko kuukhozelleemini.

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Zekariya 11:10

Vatulli viwa kaakusa ekopwaaka yooromolliwa Echisomo kiyinttaka wooniha otathilla echipangano eyo Apwiya yakeraatthihalliiwa ni mitundu ddittheddene dda athu.

Yeremiya 14:21

Muhinitathille ekaamba ya nnddina nanyu, Muhivevulle mpandwaanyu woomwene ni wantitimiho. Upuwellani echipanganwaanyu ni hiyaano nave muhiyitathille.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Masalimo 89:34

Ngitathilla echipanganwaaka, ngisintha mawu ookhuma vayanoni vaka.

Oweeruza 13:3

Mungelo a Apwiya aamooneyella mutthiyanooyo amulleella wi, “Ngoonani naari ophiyera ollello muhinna anamwani koma muneerokhalla ni erukullu nave muneeromuyara mwaana aamullopwana.

Oweeruza 2:5

Nipuro nenno yaanavaha nnddina nawi Bokimu nave vaavo yaavelleella mukutho wa Apwiya.

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Numeri 14:34

Muneerollakiwa wa miyakha 40 ekaamba ya machimwaanyu. Orive muyakha oniimellelleke nllapo nimodda na mallapo ayo mwazondilleenyu ellapo. Muneerodduwella woopiha wiwa kuushellani murima.’

Levitiko 26:44

Naari ddeereyille ddittheddenndda, alliwa eri mu ellapo ya adaniiwa, ngiwa kaakhoota nave ngiitanana ophiyera voowoonongesesa ni otathilla echipanganwaaka ni alliwaayo kaambiiwa mi tti Apwiya Mullukwiiwa.

Eksodo 33:14

Nave Apwiya yaallota wi, “Mi kineerothaana ni weyaano nave kineerewuuvaha murendelle.”

Eksodo 14:19

Vano mungelo a Mulluku, oyo aahoollella Aisraelaalle aaya akhalla otulli wiwa. Nave opoto amurapo oyo akhallesa vahoollo viwoolle, aaya akhallattho mutulli mwiwa.

Eksodo 14:14

Apwiya sika enuuwanelleni ekhoto nave nyuwaano khemweeravo ello.”

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Genesis 16:13

Sika Hagara ahaaromolla Apwiya yallotille ni olliye wi, “Nyuwaano tti Mulluku Awoona,” vawi aallota wi, “Vano koomoona oyo anakoona nave kookhallave ni okumi.”

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Oweeruza 6:8

Apwiyaayo yahaarumihella namallotella aalleella wi, “Apwiya Mulluku Aisraele, aallota wi, ‘Tti meene kuuhoollelleni ovenyera o Iguputo wuukhumihani mu ellapo yookaporo.

Oweeruza 13:2

Enthawi yeeyo o Zora waakhalla muthu mmodda Mudani, nnddina naye Manowa. Mwaariye khaari ni anamwani, khaayara.

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Oweeruza 11:24

Khallani mu ellapo eyo Kemoshi mullukwaanyu uuvahilleeyeni wi ekhalle yoohallanaanyu. Vano attheene ayo Apwiya Mullukwaahu ewiikarilliiwa vamiitthoni vahu, ddayiwa ddineerokhalla yoohallanaahu.

Masalimo 89:3

Moollota wi, “Koopangana ni ootthoolliwaaka, koollupella wa Davide oorumeyellaaka wi,