Oweeruza 17:3 - Mawu a Mulluku

³ Vano olliyooyo ahaahokollosella amennya makobiri mattheene. Vano amennyaayo yaallota wi, “Kinaapatula makobiri a silivaalla wi ekhalle a Apwiya, epharihiwe mutteko woosema nifano ni onihuruwella ni siliva. Sika kinimuuhokollosella makobiraalla.”

Oweeruza 17:3 ပူးပေါင်းရင်းမြစ်များ

Eksodo 20:4

“Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo.

Levitiko 19:4

Muhinahokollweella o mafano apaalle wiipangella milluku dda mikoko. Mi tti Apwiya Mullukwaanyu.”

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Oweeruza 18:5

Alliwaayo yaamulleella wi, “Pepaani, onikohelle wa Mulluku wi nidduwelle neeki neete phaama va olendwaahoolla.”

Oweeruza 17:13

Vano Mika aallota wi, “Vano koodduwella wi Apwiya eneerokeerella ddaphaama vawi Mulevi sika ari mullupa mukuthwaaka.”

Deuteronomo 12:3

Mwakumulle makuwiiwa ni woononga mallukwiiwa oopatuleya. Mwawoose mafanwiiwa a Asherimu nave mwapwaramwase mafanwiiwa oosema navettho mwathiimihe manddina a millukunnddo orive weko.

Eksodo 34:17

“Muhiipangelle milluku dda mikoko.

Oweeruza 17:2

Vano olliye ahaalleella amennya wi, “Muthu mmodda aawiiyerani makobiri a siliva 1,100 nave mwaamutembelela miyaano kiiwaka. Makobiraayo tti alla, eri ni miyaano. Tti miyaano kaakusalle.” Amennyaayo yaamulleella wi, “Apwiya yuudalise mwanaka.”

Oweeruza 17:4

Vano Mika aahokolloselle makobiraalle, amennyaayo yaakusavo makobiri asiliva 200 evelleella wa oohana mikoko. Muthooyo aasema nifano, eeka makobiraayo, ahuruwellana nifanonno. Vano nahiimesiwa mpa mwa Mika.

Oweeruza 18:30

Vano athu a nlloko na Danaalle yahimmesa nifano na siliva ooweekanne. Nave Yonatani, mwaana a Gereshomo, mwaana a Mose ni anaaye attheene, yaakhalla allupa mukutho a nlloko na Dani ophiyera nllapo nno yaphariwiiwa okaporo.

Yesaya 30:22

Vaavo muneerokusa mafanwaanyu, mamodda oohuruwelliwa ni siliva nave amodda ni golide nave muneerewaatathilla wonanko ekattha voollotani wi, “Ddivenyevo ddenndda.”

Deuteronomo 27:15

“ ‘Atembeleliwe arive muthu oopanga nifano noosema apaalle nawoopa, ello yoopangiwa ni muthu eeruso, ello yawaananara Apwiya ni yoollapella mwawiipittheya.’ “Nave athu attheene yaakhulle wi, ‘Amen!’

2 Epilli 33:7

Aahiya mu enyumba ya Mulluku nifano noosema. Enyumba eyo Apwiya yamulleelliiwa Davide ni mwanaye Solomoni wi, “Mu enyumba yeella ni mu Yerusalemu sika kitthoonlleemi variyari va malloko mattheene a Israele wi ekillapellekemo wa enthawi yoohimalla.