Oweeruza 13:3 - Mawu a Mulluku

³ Mungelo a Apwiya aamooneyella mutthiyanooyo amulleella wi, “Ngoonani naari ophiyera ollello muhinna anamwani koma muneerokhalla ni erukullu nave muneeromuyara mwaana aamullopwana.

Oweeruza 13:3 ပူးပေါင်းရင်းမြစ်များ

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Luka 1:11

Vano mungelo a Apwiya aamooneyella. Mungelooyo iimenlle onnattanatta wa nikuwa noowoosella mukutho wa lubanooyo.

Oweeruza 13:8

Vano Manowa aavekella wa Apwiya wi, “Nyu Apwiya, Mukaakhullelle wi muthu oyo mwamurumalleenyu awettho, anihuddihe nnddo ninaphwanelleehu omweerella musombwe anaayariwooyo.”

Oweeruza 2:1

Mungelo a Apwiya aaya o Bokimu ovenyera o Giligala. Nave ahaalleella Aisraele wi, “Kahuukhumihani mu ellapo ya Iguputo ni wuuvollochihani mu ellapo eyo kallupenlleemi wi kineerewaavaha makhollwaanyu. Kaallota wi, ‘Ngiwa kitathilla echipanganwaaka ni nyuwaano.

2 Mamwene 4:16

Vano Elisha aamulleella mutthiyanoolle wi, “Va enthawi wonanko yeella muyakha woosiisello, munaakhalle mumuupaare mwaana aamullopwana m'mattani mwanyu.” Koma mutthiyanooyo allota wi, “Pepaani apwiya, nyu tti muthu a Mulluku, muhikilleke mi kaporwaanyu.”

Genesis 18:10

Mmodda a athwaayo aari Apwiya nave aallota wi, “Kinimalonjeza wi vamalla miyeri mitthanu ni misese kineerohokollowattho nave mwaariyo aneeromuyara mwaana aamullopwana.” Nave Sara ahiiwa vawi akeraatthille otulli wa Abrahamu, va mullako wa musasa.

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

1 Samuele 1:20

Hana aakhalla ni erukullu nave aamuyara mwaana mullopwana amuvaha nnddina nawi Samuele ottaphullella wi, “Kimuvekille olliye wa Apwiya.”

Oweeruza 13:10

Mutthiyanoolle aathamaka amulleella mamune wi, “Muthu olle awiille nllaponne ookooneyellattho.”

Oweeruza 13:6

Vano mutthiyanooyo aamulleella mamune wi, “Muthu a Mulluku aawa wuno nave ekhovaaye yaari yawoopiha wunchichi wonanko ekhove ya mungelo a Mulluku. Ngaamukohille nko anavenyereeye, khaakilleelle nnddina naye.

Oweeruza 6:14

Apwiya yaamulamula wi, “Khawe ni masiviiwaalla waavulluse Aisraele wa Amidiyani. Tti mi kinuuruma.”

Oweeruza 13:15

Manowa aamulleella mungelo a Apwiyoolle wi, “Nuuselliheni voowoosellani musaanaapuri.”

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”