Oweeruza 12:3 - Mawu a Mulluku

³ Vano koonille wi khamunapaalla okivullusa, kaahiya murimaaka vooswaani killapuwa muhinje wa Yordani kawanana Aamoni. Apwiya yahaavelleella m'mattani mwaka. Kaambiiwa tini ollellova munaweenyu wi muwaneke ekhoto ni miyaano?”

Oweeruza 12:3 ပူးပေါင်းရင်းမြစ်များ

Yobu 13:14

Kookhozeka otathilla okumaaka, wakhalla okhwa kikhwe.

1 Samuele 28:21

Vaavo mutthiyanooyo aasusella vakhuviru ni Saulo. Nave amoonille wi animoova, aamulleella wi, “Apwiya, miyaano kahaakhullella ohiya vooswaani okumaaka vaweerani nnddo mwakivekilleenyu.

1 Samuele 19:5

Vallethi ahiivelleella wunchichi voomwiiphani Goliyatoolle. Apwiya yahaakavihera Aisraele nllapo nenne vawaapambanihani nave ddahuuhakallallihani. Kaambiiwa tini munapaalleenyu omweerella ddoonanara Davide muthu oohichimoolla.”

Masalimo 119:109

Okumaaka ori mu ddawoopiha enthawi ettheene komave nginatiwalla malamulwaanyu.

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Aroma 16:4

ayo yahooville wiiphiwa wi evulluse okumaaka. Miyaano ni mipingo ddittheddene dda athu ayo ehiri Ayuda ninnaathokoza yaayo.

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

Oweeruza 11:27

Vano miyaano nguulakwelleni koma nyuwaano sika munakilakwella voowanani ekhoto ni miyaano. Enaaweeruze tti Apwiya nave sika enaakamulle ollellova variyari va Aisraele ni Aamoni.”

Oweeruza 9:17

Khehiyo attiitthaaka yuuvaddenreni ekhoto ehiya okumiiwa vooswaani wi yuuvulluseni nyuwaano wa Amidiyani?

Oweeruza 12:2

Yefita aawaakhulla wi, “Mi ni athwaaka naakangana wunchichi ni Aamoni. Kaawiithanani koma khamwaawiille wi mukivulluse wa alliwaayo.

Oweeruza 12:4

Vano Yefita ahaatthukumaniha athu attheene a o Giliyadi yawana ekhoto ni Aefuremu. Vano Agiliyadaayo yahaagonjiha Aefuremu ekaamba yawi Aefuremwaayo yaallota wi, “Nyu Agiliyadi tti athu oothawa o Efuremu, oovenyera variyari va Aefuremu ni Amanase.”