Oweeruza 1:7 - Mawu a Mulluku

⁷ Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

Oweeruza 1:7 ပူးပေါင်းရင်းမြစ်များ

1 Samuele 15:33

Koma Samuele aallota wi, “Nsupada nawo nooweeriha atthiyana wi ehikhalle ni anamwani. Emoddamoddave yeeyo amaayo khekhalla ni anamwani, moophwanaphwana ni atthiyana amoddaayo.” Vano Samuele aamwiipha Agagi amuphadda enthuli enthuli vamiitthoni va Apwiya o Giligala.

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Aroma 2:15

Makhallellwiiwa enooniha wi ddoollotiwa m'malamuloni mmo ddoolembiwa m'mirimani mwiwa. Yawuupusella murimiiwa enneerella omboni wi nndda tti ddawoona vawi maganizwiiwa ennawiipa mullatu nave enthawi ddimodda ennawaakhullella.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Eksodo 29:20

Oyiiphe nave okusewo nikhame niwa omare va etthoka ya naaru na onnattanatta na Aroni ni va etthoka ya naaru noonnattanatta na anaaye. Omarettho va eyaalla ddiwa dduullupalli ddoonnattanatta ni va eyaalla yuullupalli ya o nnyallo noonnattanatta. Nikhame noohalla oniithelle moowaapheella nikuwa.

Oweeruza 1:6

Koma mwene Adonibezekoolle aathawa koma yaamuthamakella emuphara, emuphadda eyaalla ddaye dduullupalli dda m'mattani ni ddam'manyalloni.

Oweeruza 9:24

Nndda ddaheereya wi ddimuhokollweelle nnddo aweerelleeye anamwani 70 a Yerubaala. Nave wi nikhame niwa nikhalle va Abimeleki, mbaliiwa oyo awiiphalle navettho wa athu a o Shekemu ayo yamullipihalle murima wi awiiphe abalaaye.

Oweeruza 9:57

Mulluku ahaahokollosella yoonanara athu a o Shekemu ekaamba ya onanara wiwa nave wahaamorella otembelela wa Yotamu, mwaana a Yerubaala.

1 Mamwene 21:19

Vano wamulleelle wi Apwiya enuukoha wi, ‘Ethiyo khewiiphalle ni waakhattho?’ Wamulleellettho wi Apwiya eni ‘Vanipuroni mvo anapwa yallanddiiwa nikhame na Naboti, vaavottho eneerollanndda nikhame nawo.’ ”

Zefaniya 3:19

Enthawi yeeyo kineerewaallaka awuunyingallella attheene. Kineerewaavullusa oottutthunya ni waatthukumaniha oopallalleya attheene. Kineerotthattusa owullihiwa muru wiwa okhalla oriihiwa nave ellapo ettheene yavatthi eneerewaavaha olemu.