Oollalleya 9:3 - Mawu a Mulluku

³ Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Oollalleya 9:3 ပူးပေါင်းရင်းမြစ်များ

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

Oollalleya 1:17

Kaheeseesa ohiyaniha variyari va ezeru, anepa ni okarangeya. Koma kaadduwella wi kaamoona wiikatamiha.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

2 Petro 2:16

koma aahumullulliwa ekaamba ya yoonanaraaye. Bulwaaye aallota ni mawu wonanko a muthu nave ahiiha ddaweera ddaanepa dda namallotellooyo.

Mitteko 26:24

Paulo allotilleeye mowiiteteza ddiidda, Fesito aakhuwa wi, “Paulo, wookhalla ni anepa wene! Ohuddera wawonko wohuusavulla!”

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Luka 15:17

“Vano aadduwella olakwa waye allota m'murimani mwaye wi, ‘Allupa mutteko oowanihu aakhalla ni ddoocha ddinchichi ddawi khenawora oddimalliha koma miyaano wuno kinimakhwa ni ettalla!

Luka 6:11

Ahuddihi a malamulo ni Afarisi yaasha murima yaamba okambirana yawi emweerelle Yesu.

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Oollalleya 9:2

Athu attheene ddinaamorella tti ddimoddamoddave, oolungama ni oohilungama, aweella ni ooripihiwa, oovelleella mukutho ni oohivelleella. Aphaama ennaphwanaphwana ni oonanara. Oollupella ennaphwanaphwana ni awoova ollupella.

Oollalleya 7:25

Vano kaahiyavo murima wi kiddidduwelle, kiddimolleelle nave kiddaashaashe ezeru ni mmo munakhallella ddeko. Kaapaallattho wiiwesesa onanara wa okarangeya navettho woopiha wa anepa.

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Yobu 15:16

Vawiidde muthu oonanara ni oochimwa, oowirya ddoonanara wonanko maaddi.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Mitteko 26:11

Enthawi ddinchichi kaanaya mu enyumba ddamavekello* kaallakaka nave kaheeseesa wi ehiyeke echikhulupililwiiwa. Nave kananariwa kaanaya naari omizindani dda ellapo ddimodda kaahoosaka.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Oollalleya 2:14

Muthu eezeru aneeta miitthwaaye eri muhoollo koma muthu ookarangeya aneeta mwiipiphini. Koma koodduwella wi nnddo ddimmorelle mmodda tti ddimoddamoddave ddennddo ddinammorelle mmoddooyo.

Oollalleya 7:2

Oya omalironi tti wookhwaranya oya omachellelloni. Vawi okhwa sika mamallihello a athu attheene, vano akumi eganizeke phaama dda ddenndda.

Oollalleya 9:4

Komave ayo eri ni okumi ennakhalla ni etiyerello. Vallethi mwanapwa mukumi annakhwaranya mukango wookhwa.

Yeremiya 16:12

Komattho nyuwaano mwaachimwa wunchichi okhwaranya makhollwaanyu arive muthu mwa nyuwaano anathwara ddoonanara ni murimaaye wawumma munipuroni mookiiwellella miyaano.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yobu 9:22

Tti emoddamoddave, sika kinallota wi, Mulluku annawoononga nimodda oochimwa ni oohichimwa.

Yobu 21:26

Koma attheene ennakhwa ennavitthiwa mu mahame, ennakonaatthi vamodda ni mapwihi.

Masalimo 64:7

Koma Mulluku aneerewaavokha mipaamba, aneerewaahoma moorurumusa.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.