9 Ddittheddenenndda kaaddoona m'murimani mwaka ddeko nnddo ddineereya vatthimva. Erive enthawi vookhalla athu amodda ayo enaalamulella akhwiiwa mweekuku.
Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.
Vatthimva vookhalla yoonanara emodda yookimoriha ethakaraka wunchichi eyo kiyoonilleemi. Eyuuma ennamuphoriiha mwaneena.
Vano kaahiyavo murima wi kiddidduwelle, kiddimolleelle nave kiddaashaashe ezeru ni mmo munakhallella ddeko. Kaapaallattho wiiwesesa onanara wa okarangeya navettho woopiha wa anepa.
Kooddoona mitteko nnddo Mulluku aavahilleeye athu wi ephareke.
Ddittheddene ddaweereya vatthimva kooddoona. Ddittheddenennddo khaddinna mutteko nave oddaashaasha ddenndda tti wiikatamiha.
Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.
Nave maaddaayo yaakumanella, emirya magaretaalle ni oowella va akavalwaayo, mulloko muttheene wa akhoto a Farao olle waathwara Aisraele. Khaarivo naari mmodda avulluwalle.
Yaawiipha anaaye attheene a Zedekiya olliye oonaka nave yaamukhumihamo miittho, emmaka ni onyolo emuyaana o Babiloni.
Emodda koonilleemi vatthimva tti yawi, nko ori echiweruzo yaphaama onnakhallattho oonanara murima, nko ori echilungamo onnakhallattho ddoonanara.
Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.
Ddawoona, waanyingallella amodda onnamukarangeyiha muthu eezeru nave waakhella ddamukaphwani onnoononga oganiza phaama.
Olloha waata ddinnaatattho ddoollota ddoohikhalla ni mutteko. Koma weyaano omutitimiheke Mulluku.