Oollalleya 7:7 - Mawu a Mulluku

⁷ Ddawoona, waanyingallella amodda onnamukarangeyiha muthu eezeru nave waakhella ddamukaphwani onnoononga oganiza phaama.

Oollalleya 7:7 ပူးပေါင်းရင်းမြစ်များ

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

Eksodo 23:8

Ohaakhullelle ddamukaphwani vawi nndda ddinnaweeriha athu oweeruza ohoona echilungamo nave sika mullatu onimaakhoromanella athu oohilakwa.

Miyambo 17:23

Muthu oonanara annaakhella ddamukaphwani wi akhoromanihe echilungamo.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Miyambo 17:8

Ddamukaphwani ddiri wonanko murete wa ekari wa muthu oyo anaddeera vawi aweerooyo erive ello ennamweetella phaama.

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.

Deuteronomo 28:65

Khemuwa muphwanya murendelle apaalle nipuro naanyunaanyu orive weko. Munaakhalle ookhumuwa, oorama nikavihero ni ootathilla murima nave Apwiya sika enaamorihe ddenndda va nyuwaano.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Oollalleya 8:9

Ddittheddenenndda kaaddoona m'murimani mwaka ddeko nnddo ddineereya vatthimva. Erive enthawi vookhalla athu amodda ayo enaalamulella akhwiiwa mweekuku.

1 Samuele 21:14

Vano Akishi aalleella enduna ddaye wi, “Khamunamoona wi muthoolla tti mullupaanepa. Kaambiiwa tini munawaneenyu wa miyaano?