Oollalleya 7:2 - Mawu a Mulluku

² Oya omalironi tti wookhwaranya oya omachellelloni. Vawi okhwa sika mamallihello a athu attheene, vano akumi eganizeke phaama dda ddenndda.

Oollalleya 7:2 ပူးပေါင်းရင်းမြစ်များ

Masalimo 90:12

Vano nihuddiheni weerenga mallapwaahu wi nikhalle ni murima weezeru.

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Aheberi 9:27

Arive muthu anakhwa omodda nave vatulli viwa aneeruziwa.

Deuteronomo 32:46

aallota wi, “Mwaasungeke m'murimani mwanyu malamulo mattheene kiwinnyalleemini ollellwaalla. Nave mwaahuddiheke aniinyu wi yiiwellelleke moororomelleya mawu mattheene a malamulwaalla.

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Hagai 1:5

Ella sika ekaambiiwa mi Apwiya Amasiva Mattheene kinalloteemi wi mupwathe phaama meetellwaanyu.

Yesaya 47:7

Waganiza wi enthawi ddittheddene onaakhalle mwene aamutthiyana, mwawi ddeko ddenndda khewaaddipwathille m'murimani mwawo, khewaaganizerettho mmo ddinaamallelliiwa.

Numeri 23:10

Ttaani anaawore weerenga edduullu dda Yakobo, nnddo ddiri ddawaata wonanko nthupi apaalle weerenga ezigawo ddisese dda athu a Israele? Kihiyeni kikhwe okhwa wa athu oolungama, omalla waka okhalle wonanko wa yaayo.”

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Oollalleya 2:14

Muthu eezeru aneeta miitthwaaye eri muhoollo koma muthu ookarangeya aneeta mwiipiphini. Koma koodduwella wi nnddo ddimmorelle mmodda tti ddimoddamoddave ddennddo ddinammorelle mmoddooyo.

Oollalleya 2:16

Muthu eezeru apaalle muthu ookarangeya khanuupuwelliwa enthawi yoorekama vawi mallapo a muhoollo attheenaayo eneerotiwalleya. Muthu ookarangeya anakhwa moophwanaphwana ni muthu eezeru.

Oollalleya 3:19

Nnddo ddinaweereyella athu, ddiinnereyellattho enama, ennakhwa. Ddittheddene ddinnavuma mpweya mmoddamoddave yooyo, muthu khanakhwaranya enama. Ddittheddenenndda khaddinna mutteko.

Oollalleya 3:20

Ddittheddene ddinaya onipuroni nimoddamoddave. Ddittheddene ddinavenyera othayani nave ddinahokollowella othayani wenko.

Oollalleya 6:6

naari akhanlle ni okumi miyakha 2,000 koma woohoona ddaphaama. Ethiyo attheenaalla khenaya onipuroni nimoddamoddave?

Oollalleya 9:2

Athu attheene ddinaamorella tti ddimoddamoddave, oolungama ni oohilungama, aweella ni ooripihiwa, oovelleella mukutho ni oohivelleella. Aphaama ennaphwanaphwana ni oonanara. Oollupella ennaphwanaphwana ni awoova ollupella.

Oollalleya 9:3

Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Yeremiya 16:8

“Ohivollowe mpa mmo muri machellello wi ochena ni owiryana.”

Oollalleya 9:5

Akumi ennadduwella wi eneerokhwa koma ookhwa khenadduwella ello, khenathuviwa nave khenuupuwelliwa.