Oollalleya 6:3 - Mawu a Mulluku

³ Naari muthu akhalle ni anamwani anchichi nave akhalle ni okumi wa miyakha ddinchichi naari miyakha ddayennddo ddaate mwawiidde koma ohihakallalla ni eyuumaaye nave makuthullellweene ahivitthiwe phaama. Miyaano kinallota wi muthooyo ookhwaranyiwa ni mwaana ookhote.

Oollalleya 6:3 ပူးပေါင်းရင်းမြစ်များ

Yobu 3:16

Ethiyo kahikhallelle tini wonanko mutembo wa mwaana ookhote, wonanko akantchewa ehinooneke nndduwa.

Yeremiya 22:19

Enaamuvitthe wonanko bulu, oneeromukwekweresa wi yamutathille otte wa millako dda Yerusalemu.”

Oollalleya 4:3

Koma owaakhwaranya attheenaayo tti oyo ahinayariwe, oyo ahinaddoone mitteko ddoonanara nnddo ddineereya vatthimva.

2 Mamwene 9:35

Koma vooyaani woomuvittha, kheyaaphwanyillevo erive ello koma ekharakadda, manyallo ni mattaaye.

Genesis 47:9

Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

Mateyu 26:24

Mi, Mwaana a Muthu, kineerokhwa moollikana ni ddoolembiwa mu mawu a Mulluku koma ootulli tti muthu oyo anaakivelleelle miyaano! Waaweerokhalla phaama wa muthu yooyo ahiyariweke!”

Yeremiya 36:30

Sika dda Yehoyakimu mwene a o Yuda Apwiya enallota wi khaviwa viphwanyeyattho mmodda oovollowa munipuroni mwaye va mpando wa omwene wa Davide. Akhwa mutembwaaye otthaana onaakhalle vanndduwani nave mahiiyu onaakhalle vanakhuttuni.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Miyambo 17:6

Edduullu sika oriiheya wa athu awuulluvalla nave olemu wa anamwani tti makhollwiiwa.

Masalimo 58:8

Ekhalle wonanko munta oyo onattotthowa waaweetaka, ekhalle wonanko mwaana ookhote oyo ahoonille nndduwa.

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

Estere 5:11

Vano Hamani ahiitukhulla ekaamba ya waata eyuumaaye, waata wa anaaye aallopwana ni olemu oyo mwene amuvahilleeye navettho ni wi mwene aamunnuwiha waakhwaranya attekweene attheene ni allupa mutteko attheene amwene.

2 Epilli 11:21

Rehobowamu aamukondesesa Maaka mwaana a Abishalomu okhwaranya awariye amodda ang'onong'onwaayo. (Aatthenlle atthiyana 18 nave aari ni awariye ang'onong'ono 60. Aari ni anamwani aallopwana 28 ni aatthiyana 60).

1 Epilli 28:5

Sika Apwiya aakivaha anamwani anchichi nave mwa attheenaayo aamutthoolla Solomoni wi akhalle va mpando woomwene wa Apwiya wi alamulelle Israele.

2 Mamwene 10:1

Mwene Ahabu o Samariya aari ni edduullu ddeellopwana 70. Vano Yehu aalemba makalata aarumiha o Samariya wa oolamulella muzindooyo, attekweene ni athu ayo yallella edduullu dda Ahabu wi,

Genesis 33:5

Esau atukhullalle miittho, aawoona atthiyana ni anamwanaalle nave aakoha wi, “Athu alla eri ni weyaano tti awani?” Yakobo ahaakhulla wi, “Apwiyaaka, alla tti athu ayo Mulluku akivahilleeye mwa echifundwaaye.”

Oollalleya 6:4

Mwaana ookhote annooneya enthawi yooyeva, arimeella mwiipiphini nave atiwalleya mwemmo.

Yobu 3:11

Ethiyo kahiyariwelle tini ookhweene? Ethiyo kahikhwelle tini kiri oyariwa wene?