Oollalleya 5:4 - Mawu a Mulluku

⁴ Wallupella ello wa Mulluku ohinasellihaka oyeera vawi Mulluku khanahakallalla ni ddookarangeya. Nnddo oddillupenlleewe oddeere.

Oollalleya 5:4 ပူးပေါင်းရင်းမြစ်များ

Numeri 30:2

“Mullopwana alonjeza ovelleella ello vamiitthoni va Apwiya apaalle allupella wi aneerewiihiiha, ahipwese lonjezo nayenno koma eere moollikana ni nnddo allupenlleeye.

Mateyu 5:33

“Mwahiiwattho wi waallotiwa wa makhollwaanyu wi, ‘Ohillupelle mwawoottha koma weereke eyo wallupenlleewe wa Apwiya.’

Masalimo 76:11

Llupellani wa Apwiya Mullukwaanyu, mweereke nnddo mullupenlleenyu. Attheene emwaaphenlle eweena emphaso wa oyo anaphwanella wooviwa,

Masalimo 50:14

Koma muthokozeni Mulluku wonanko mukutho, mweere ddittheddene mwallupenlleenyu wa Amasiva Mattheene.

Masalimo 116:14

Kineereweera nnddo kallupenlleemi wa Apwiya vamiitthoni va athwiiwa attheene.

Aheberi 10:6

Khamunahakallallana mukutho wooshellelliha, naari mukutho waweelliha machimo.

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Yona 2:9

Koma mi kineerovelleella moororomelleya mikutho ddaka wa Apwiya ni mawu oothokoza.’ ”

Masalimo 119:106

Koollupella nave koosimikiza wi kiiwellelle malangizwaanyu oolungama.

Genesis 35:3

Nineerotthaamawo wuno nave nineeroya o Betele nko kineereemi kamake nikuwa na Mulluku oyo akikaviherille va enthawi ya ddookatamiha ddaka. Vawi olliye sika akhanlle akiweheraka orive weko kayeemiwo.”

Genesis 35:1

Vano Mulluku aamulleella Yakobo wi, “Timulla, oye o Betele, wakhalle wenko. Wamakewo nikuwa na Mulluku oyo awooneyelle enthawi wamuthaweewe mwanamunno Esau.”

Yesaya 19:21

Vano nllapo nenno Aiguputo eneerewaadduwella Apwiya. Ddawoona, eneerollapella vooheraatthini mukutho ni voovelleellani ddoovelleella navettho eneerekeweera nnddo yallupenlliiwa wa Apwiya.

Genesis 28:20

Vano Yakobo aallupella wa Mulluku wi, “Mwakhalla ni miyaano nave mwakiteteza phaama voolendonaakoolla navettho mwakivaha ddoocha ni ddoowara,

Oweeruza 11:35

Yefita amoonille mwanaye, ahaahulla ddoowara ddaye allota wi, “Moowe kookhwa, we mwanaka, wookiphadda mutthoma nave wookiwiihella ddoohoosa dduullupalli vawi kaallupella wa Apwiya ni vayanoni vaka nave ngiwora wiinyipulla nnddo kallupenlleemi.”

Masalimo 22:25

Kineerewuutitimihani va mutthukumano muullupalli ekaamba ya nnddo mukeerelleenyu. Ddittheddene kalonjezilleemi kineeroddeera vamiitthoni va attheene enawoovani.

Miyambo 20:25

Opatulella ddeko wa Apwiya moohiganiza phaama tti musampha wa muthu vawi ttuusintha maganizo allupenlle khalle.