Oollalleya 5:2 - Mawu a Mulluku

² Ohinaakuvaka ollota ni ollupella wa Mulluku m'murimani mwawo. Vallethi Mulluku ari oddullu, weyaano ori vatthimva. Vano mawaawo ekhalleke ooyeva.

Oollalleya 5:2 ပူးပေါင်းရင်းမြစ်များ

Mateyu 6:7

“Nave mwaavekellaka muhuulluulleke mawu wonanko athu oohimullapella Mulluku ayo eneesa milluku ddiwa ddineerowiiwellella kaambiiwa nivekello niwa noorekama.

Miyambo 10:19

Waanjera ollota ddoolakwa ddinnaata koma oyo anasunga eyano tti eezeru.

Yesaya 55:9

Wonanko mmo oddullu orekamellane oddullu ni ellapo yavatthi, emoddamoddavettho ddaweera ddaka ni ddaweera ddanyu maganizwaaka ni maganizwaanyu.

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Oollalleya 5:7

Olloha waata ddinnaatattho ddoollota ddoohikhalla ni mutteko. Koma weyaano omutitimiheke Mulluku.

Genesis 18:27

Abrahamu aallotattho wi, “Pepaani, koollipa murima voollotani mwawi ddiidda ni nyuwaano, Apwiya. Miyaanothi tti muthu shisha vamiitthoni vanyu.

Yakobo 3:2

Attheene ninnachimwa va ddeko ddinchichi. Koma muthu ahinachimwa voollotani, yooyo tti aphaama wunchichi navettho annawora wiihiiha mwiillaaye muttheene.

Oollalleya 5:3

Waata wa ddookhupanya onnawiiha olloha woonanara nave waata wa mawu onnawiiha okarangeya.

Miyambo 20:25

Opatulella ddeko wa Apwiya moohiganiza phaama tti musampha wa muthu vawi ttuusintha maganizo allupenlle khalle.

Genesis 28:20

Vano Yakobo aallupella wa Mulluku wi, “Mwakhalla ni miyaano nave mwakiteteza phaama voolendonaakoolla navettho mwakivaha ddoocha ni ddoowara,

Masalimo 115:3

Mullukwaahu ari oddullu, anneera erive ello anapaalleeye.

Genesis 18:32

Voomallihella, Abrahamu aallota wi, “Pepaani, muhinakishella murima Apwiya koma killote omoddave. Ethiyo nanga mwaaphwanya oohichimwa khumive?” Nave Apwiya yaallota wi, “Kaaphwanyamo oolungama khumi, ngoononga.”

Genesis 18:30

Abrahamu aallotattho wi, “Pepaani, kinimuuvekani, muhinakishella murima Apwiya nave kineerollotattho. Ethiyo nanga mwaaphwanyawo athu oolungama 30?” Apwiya yaamwaakhulla wi, “Kaaphwanyamo athu 30, ngoononga.”

Oweeruza 11:30

Yefita aallupella wa Apwiya wi, “Mwaavelleella Aamonaalla m'mattani mwaka,

Mariko 6:23

Nave aamusimikizella wi, “Kinimallupella wi erive ello onaakivekeewe kineerewuuvaha! Naari wuukawella omwenaakoolla variyari!”

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Levitiko 5:4

Muthu achimwa voollupellani mwawaakuva wi aneereweera ello yoonanara apaalle yaphaama, orive ollupella nko muthu aneereeye moohidduwella ddookatamiha dda ollupellanko, vatulli viwa adduwella nnddo eerilleeye, muthooyo tti oochimwa.

Oollalleya 10:12

Mawu a muthu eezeru ennamuvahiha olemu koma a muthu ookarangeya ennamoononga.

Oollalleya 10:13

Muthu ookarangeya annaamba ollota ni mawu ookarangeya nave voomallihani annakhalla wonanko mullupaanepa.