Oollalleya 4:9 - Mawu a Mulluku

⁹ Okhalla eelli tti waphaama okhwaranya ni okhalla weekha kaambiiwa mitteko dda athu eelli tti ddoopinduliha wunchichi.

Oollalleya 4:9 ပူးပေါင်းရင်းမြစ်များ

Miyambo 27:17

Mmo mukoko onaanduselliiwa mukoko mukhwiiwa emoddamoddave yeeyo muthu anahuddera ovenyera wa mukhwaaye.

Genesis 2:18

Sika vano Apwiya Mulluku yaallota wi, “Khe phaama wi mullopwana akhalle yeekha. Kineeromupangella mukhwaaye wi amukavihereke.”

Mariko 6:7

Aawiithana oohudderaaye khumi ni eelli vamodda, aamba waarumiha eellieelli. Ahaavahattho olamulello wookhumiha minepa ddoonanara.

Numeri 11:14

Miyaano ngiwora wiireya meekhaami athu attheenaalla. Katundu yoolla ngiwora omutukhulla.

Yohane 4:36

Oohata annallivelliwa nave annatthukumaniha ezipaso o okumi woohimalla. Vano awaalla ni oohata eneerohakallalla vamodda.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Hagai 1:14

Vano Apwiya yaamullipiha murima Zerubabele mwaana a Shealatiele oolamulella a o Yuda ni Yoswa mwaana a Yehozadaki, muullupalli a allupa mukutho komattho ni athu amodda attheene. Yahaamba ophara mutteko woomakattho enyumba ya Apwiya Mulluku Amasiva Mattheene,

2 Yohane 1:8

Vano muchenjere wi muhitathille eyo napharelleehu mutteko sika wi muneerothuviwa wamututha.

Oollalleya 4:8

Vaakhalla muthu mmodda oyo aari yeekhaaye, oohikhalla ni mwaana apaalle mwanamunne. Mitteko ddaye kheddaamalla nave miitthwaaye kheyaakwakhwanihiwa ni eyuumaaye, khiikoha naari vang'ono wi, “Ethiyo mutteko kinaphareemoolla apaalle oddiimmana ddoohakallallihanngu kinamweerella aani?” Ddenndda khaddinna mutteko navettho tti ddoohihakallalliha.

Oollalleya 4:10

Mmodda iikuha mukhwaaye ttuumuvenyiha. Koma otulli wa oyo ari yeekha vawi iikuha khaavo anaamuvenyihe.

1 Epilli 19:12

Vano Yowabu aallota wa Abishai wi, “Asiriya yakhalla ni masiva okikhwaranya miyaano, oneerokikavihera. Koma Aamoni yakhalla ni masiva wuukhwaranya, kineerewuukavihera.