Oollalleya 3:5 - Mawu a Mulluku

⁵ Vookhalla enthawi yawaatamana ni enthawi yoorekamellana, enthawi yookhupaarellana ni enthawi yoohiyana.

Oollalleya 3:5 ပူးပေါင်းရင်းမြစ်များ

2 Mamwene 3:25

Vano Aisraele yaakumulla mizinda ddiwa nave va erive emata ya ethaya yaphaama, arive muthu aanavokhellavo nlluku, ophiyera emata ddittheddene ddaaddalla ni malluku. Yahaatiyella aneetuutu attheene nave yahuuha miteekho ddittheddene ddaphaama. Wahanlle tti muzinda wa Kiri Haresefi koma vatulli viwa, akhoto oovokha malluku yaawaapheella ewugonjiha.

Yoswa 10:27

Nndduwa nivollowaka, Yoswa aalamula wi ekitthihiwe vamiteekhonimvo nave wi yaavokhella munikhunguni yiipitthalliiwa mulle. Vano va mullako wa nikhungunno yawallevo ni malluku muullupalli nave aakhallavo ophiyera ollello.

Yowele 2:16

Atthukumaniheni athu, alleelleni wi yiipatule. Atthukumaniheni awuulluvalla, anamwani ni akantchewa. Mulamule wi naari ootthellana wene ekhumemo muzipindani mwiwa.

Eksodo 19:15

Nave Mose ahaalleella wi, “Mukhozeke omuroto vano. Nave muhinakona ni mutthiyana.”

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.

Oollalleya 3:4

Vookhalla enthawi yoomoriha miitthori ni enthawi yoottheya, enthawi yawinlla ni enthawi yawiina.

Oollalleya 3:6

Vookhalla enthawi yawaashaasha ni enthawi yoohiya waashaasha, enthawi yoosunga ni enthawi yootathilla.