Oollalleya 3:2 - Mawu a Mulluku

² Vookhalla enthawi yooyariwa ni enthawi yookhwa, enthawi yawaalla ni enthawi yootulla ddawaallannddo.

Oollalleya 3:2 ပူးပေါင်းရင်းမြစ်များ

Aheberi 9:27

Arive muthu anakhwa omodda nave vatulli viwa aneeruziwa.

Yobu 14:5

Mallapo a muthu tti aweerengeya, echiwerengero ya miyeri ddaye eri ni nyuwaano. Mwaamulembella maliraaye, khawora waallupha.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Luka 1:20

Vano weyaano khawaawukhulupililalle othengaakoolla, oyo onaakwakhwanihiwe va enthawi yaphaama. Sika oneerollakallakeya nave khoworaka ollota, ophiyera nllapo nno yoollotiweeyo eneeriiwa yeereye.”

Mateyu 15:13

Yesu ahaakhulla wi, “Afarisaalle tti wonanko ddoomella ddoohaalliwa nave Attiitthaaka ooddullu eneeromutulla arive muthu a yaayo.

Yohane 16:21

Mutthiyana akhalla vakhuviru oyara annakhupanya kaambiiwa enthawaaye yawiiwa ovoreya yoophiya. Koma mwaanooyo ayariwa annatiwalla ovoreya wayenko kaambiiwa annahakallalla wi mwaana ooyariwa.

Yesaya 38:1

Enthawi yeeyo Hezekiya aavoriiwa nave aari vakhuviru okhwa. Namallotella Yesaya mwaana a Amozi aaya wi amoone nave aamulleella wi Apwiya enallota wi, “Opotokose ddeko ddawo ddittheddene phaama vawi onimakhwa, khochira.”

Yobu 7:1

“Ethiyo muthu khanakhallella osenda miino veellaponimva, mallapwaaye kheri wonanko a aganyu?

Mitteko 7:20

Enthawiine tti yeeyo Mose ayariweeye. Aari mwaana ooreera oomuhakallalliha Mulluku. Makhollwaaye yaamullella mpa mwiwa wa miyeri miraru.

Mitteko 7:17

“Enthawi yaatamelliiwa wi Mulluku akwakhwanihe nnddo amulonjezilleeye Abrahamu, mutundwaahu waari wunnuwalle nave waatille wunchichi mu Iguputo.

Yohane 7:30

Vano athu amodda yaapaalla omphara koma khaavo aworille weere ello va olliye kaambiiwa enthawaaye yaari ehinaphiye.

Luka 1:36

Vano ngiiwa, mbalaawo Elizabeti, nayeenettho naari uulluvanlle ookhalla ni erukullu. Athu yaganiza wi khawa ayara koma vano ookhalla ni erukullu ya miyeri mitthanu ni mmodda.

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Yeremiya 45:4

Apwiya aakilleella wi killote wa weyaano wi, “Eyo kamakilleemi, kinimayikumulla nave eyo kaallilleemi, kinimayitulla. Mmu sika kineerelleemi ni ellapo yavatthi ettheene.

Yeremiya 1:10

Ovenyera ollello kohuuvaha olamulello va mitundu ddittheddene dda athu ni moomweniiwa a va ellapo yavatthi wi otulle ni okuha, woononge ni okumulla, omake ni waalla.”

Yesaya 54:1

Apwiya enallota wi, We mutthiyana oohiyara, ipa moohakallalla, we ohinooneke ovoreya wa oyara, khuwa ni woopa ellullu. Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.

Yesaya 38:5

“Hokollowa, wamulleelle Hezekiya wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Sika kineerowaanjerera miyakha khumi ni mitthanu mu okumaawo.

Masalimo 113:9

Ennamweeriha mutthiyana oohiyara opata nibanja, emutthattusa muyepelle oohakallalla. Aleluya!

Masalimo 52:5

Koma Mulluku aneerewuunyenya wa enthawi yoohimalla, aneerowuuphara ni wuukhumihella otte wa enyumbaawo, aneerewuutulla mu ellapo ya athu ookumi.

Yobu 14:14

Ethiyo muthu akhwa ttuukhallattho ni okumi? Kineerotiyerella mallapo mattheene a ohoosiwa waka, ophiyera ottaphulliwa waka ophiyalle.

2 Mamwene 4:16

Vano Elisha aamulleella mutthiyanoolle wi, “Va enthawi wonanko yeella muyakha woosiisello, munaakhalle mumuupaare mwaana aamullopwana m'mattani mwanyu.” Koma mutthiyanooyo allota wi, “Pepaani apwiya, nyu tti muthu a Mulluku, muhikilleke mi kaporwaanyu.”

1 Mamwene 13:2

Nave muthooyo aakhuwella va nikuwanno ni mawu a Apwiya wi, “We nikuwa, we nikuwa, Apwiya enallota wi, ‘Mwaana ooromolliwa Yosiya aneeroyariwa mu nibanja na Davide. Nave va weyaano aneerovelleella wonanko mukutho allupa mukutho oorumeyella o mapuro oollapellamo mafano ayo enoosa lubani va weyaano nave eneerewoosa makhuva a athu.’ ”

1 Samuele 2:5

Athu ayo khalle yahata ddoocha ddookwakhwanella vano enimallimella. Koma ayo khalle yaari eettalla vano ennavona. Mutthiyana oohiyara vano ohaayara anamwani atthanu ni eelli, koma mutthiyana oyo aari ni anamwani anchichi vano khanna anamwani.

Deuteronomo 34:5

Sika Mose, oorumeyella a Apwiya, aakhwa wenko mu ellapo ya Mowabu moollikana ni mmo Apwiya yallotelliiwa.

Genesis 47:29

Vano ari vakhuviru okhwa, aamwiithana Yosefe amulleella wi, “Waarimi okikondaka, okiphare muwari mwa kasambaraakammu nave ollupelle wi oneerokeerella echifundo ni ororomelleya navettho wi mutembwaaka ohivitthiwe o Iguputo wuno.

Genesis 17:21

Koma kinaakeraatthihe echipanganwaaka ni mwanawo Isaki oyo anaayariwe mwa Sara mu enthawi wonanko yeella muyakha woosiisello.”

Miyambo 24:27

Okhoze mitteko ddawo ddittheddene dda omata vatulli viwa omakeke enyumbaawo.

Yesaya 28:24

Ethiyo oollima oyo anapaalla waalla anakhallella otipulave? Ethiyo anakhallella opwesera ni wuunga mizere?